Popular Bible Verses from Luka 14

Share

“Khimi lawngtä ma kai üng äkähui-a aelawng hethang ngai dylä änä-awi hai äpä-ai, änawngpui hai äcaw na, kangby jä-ai hai äticaw na qawng-a kai tea bälung aevawky hethang kae. Äni lä äma üng hing saite tea mäteng ma bälung aevaw te qawng-a kai tea bälung aevawky tätang hethang kae te vi.

Khimi lawngtä ma kai leithung hui hethang ngai dylä äma üng kängai sai khaisö kha thinglawng aepö hethang kae te vi. Äni lä kätü qütä kai leithung hui hethang awng rüng he kae.

Mä-ai ma tea aemäsang saite khimi tea lä Säthaw ma mäneng pa vi ai. Tukha mä-ai ma tea aemäneng saite khimi tea lä Säthaw ma mäsang pa vi ai” näpa.

Honi kätyng nang ce thung üng khimi lawngtä ma kai üng äkähui-a aelawng he ngai dylä, äma üng awng saite angxynlyng na khaisö he kae.

“Nang ce thung üng lawngtä ma dyng nae ing kaesang sa he ngai näre mai. Äni lä kälu aetawng y kälang-a ma tangkae majetä khü ai mei näkha aedawng mang vi ai. Tupyng-a ing cyng hethang tangkae khy ai mei, khy y ai mei näkha to rüng vi ai. Äni lä ing aeling täling sö kha ing cyng haw y mäse lae dylä nung saite khimi na ma äni tea mänui hai pa ö ai be. Äni ce ma ‘Hini khimi lä ing aeling täling sö kha cyng haw y mäse na ly’ näkha näpa ö vi ai.

Nang ma pawi sa te kätü-a lä khimi kangtang na hai, kaeqa na hai, ämi kangjö na bung phai ka kae ba. Nang ma tukä sa dylä, Säthaw ma nang tea tähang kähawi py ai. Äni ce ma lä nang tea äte la hung haile haw y lyng. Tungaila khimi cüng saite na kädü thung üngta aetha be te kätü-a lä Säthaw ma nang tea ävang py haile tyng ai mang” näpa.

“Bälawi lä hawi. Tungaila bälawidae dylä, lung haile tyng rung khytä sa haw y dy. Lai älawng tähang läsy, äkung hawi hai hethang läsy, hawi y vi dy. Tukätephüng-a honi bälawi lä khimi ce ma kädesö hethang awng te kae vi dy. Känawkhing awng saite khimi na lä thaikaw ö sy” näkha näpa vi.