Popular Bible Verses from Luka 22

Share

“Üngai ä, nang ma aely ngai dylä hini mätangbälai phi saite kai tea aeting y hethang säbawng kü ba. Tungaila kai ma üng ngai te kätyng y käla nang üng ngai saite kätyng kae sy” näpa

Tungaila nang üng yng saite pra y hethang kai lä aetang pa dy. Kai tea nang ae-y haile te kätü-a lä nang ma ce üng kangby jä-ai na tea aethaw py haile tyng pa jo” näpa.

Tupyng-a Isu lä täkaw la ea Säthaw tea kawng te lo thui khüng dylä täkaw bung täpe ba kha äni ce tea py pa dy. Hikä äni ma “Hini täkaw lä nang ce tähang py saite kai üng ätabung vi. Kai tea aedawng haile tyng hethang hini kätyng ca ö jawjaw ba” näpa.

Hini kätyng kädüngbö ca pyng ea lä Isu ma bynglyng la kha äni ce tea “Hini bynglyng thung-a awng saite cäpje tui lä nang ce tähang bälawng saite kai üng äthi vi. Hini kai üng thi lä Säthaw hai khimi ce säla-a awng kha älo aenai saite kangthae üng kamarae vi.

Isu lä bälungbi te hai mawng phi te phüng-a aethaw aela kha aetang rae pa vi dy. Äni üng ae-ui tui lä äthi kätyng älawng qawng-a aeqa pa vi dy.

Tungaila nang ce lä hokä awng he kae y. Nang ce thung-a äkälengky te khimi lä äcäpiky kätyng awng sy. Pyng saite mätawngky lä mawsawng-a awng kae.

Isu ma “Peterae ä, tängai khü. Nang lä vaikhawng kädang aekhawng y te kälang-a ‘Hini khimi bung kai mäny y’ näkha qengthungtä kai tea aephae vi ai” näpa.