Popular Bible Verses from Luka 3

Share

Johan ma khimi angxynlyng na tea baptismae py te kätü-a, Isu lä baptismae la by dy. Isu ma aetang te thüng-a käni lä aepä-awng pa te vi. Tukha Säthaw üng Muilaw Käcai lä bähö kätyng aeja käthu ea äni qawng-a cu pa vi. Tukä ea käni mang Säthaw üng ätüng lä Isu tea “Nang lä kai üng bälung aevawky saite Cäpaw vi. Nang lä kai tea kawng hai ky saite vi,” näkha näpa.

Baptismae Johan ma äni ce angxynlyng tea “Kai lä nang ce tea tui hai baptismae py dy. Kai qawng-a haidae lengky saite lawngtä lä ly ai. Kai lä äni üng kho painai rui sö hethang mäteng ma aeteng y vi. Äni ma lä nang ce tea Muilaw Käcai hai-a, mai hai baptismae py ai mang.

Nang ce lä tüng saite kälu sa te hai-a ae-ui tätang te mätü mang re. Tukha ‘Kai ce lä Abraham hai kaesui na kae vi’ näkha nang ma ce tingtawi aethui ö mang hang re. Säthaw lä hini kälung na tea mäteng Abraham kaesui na-a bälawng haw te vi.

Säthaw lä aetu süng kha äthai kung bälu hethang awng rüng te khimi hai lawngtä kätyng vi. Äni ma äthai aethai y saite äkung angxynlyng na tea bälu pang ea mai hai sawi vi ai” näpa.

Jangni-a buisaw Isaia ma Johan phüng thui kha tärü rüng pa te vi dy. Buisaw Isaia lä “Daithung kärang-a khimi lawngtä ma a kha thui ai. Areng ly nae lolang mäcai rüng lawi. Äni tähang lolang mätaw pa lawi. Khimi ce ma angdung qütä-a mäkawi kha me anghung angmang qütä tea mängi pa ö sy. Lolang kaeke na tea mätaw kha aengi aetang y saite lolang na tea kähawi-a bädü pa ö sy. Tukha khimi angxynlyng na ma Säthaw lä khimi ce bung aeqang saite nung ö vi ai” näkha näpa.