Popular Bible Verses from Mathai 5

Share

Ingthung-a awng saite khimi angxynlyng na lä maibung thawng kha tawng täkui-a khai te awng vai y. Khimi ce angxynlyng nung haw hethang maibung khai nae qawng-a ni khai saite kae vi. Honi kätyng nang ce üng kaevang khimi ce maw-a aevang sy. Tukä dylä, khimi ce lä nang ce üng kälu kähawi nung kha Känipre-a awng saite nang üng Pä-ai tea bälaw ö ai.

“Nang ce lä älawng üng khimi na tähang kaevang kätyng vi. Me anghung qawng-a awng saite märü tea lä khimi ce ma homy haw y lyng.

Säthaw tähang bälung käcai hai aepy saite khimi na lä tähang hawi. Äni ce lä Säthaw bung nung ö ai mang.

Säthaw üng aely kängai kätyng sa hethang ngai saite na lä tähang hawi. Säthaw ma äni ce tea kawng hai phi ai mang.

Tungaila vaihi nang ce tea kai ma: Nang ma ce üng täre na tea bälung aevaw ö. Nang ce tea mätang bälai-a sa saite khimi na tähang aetang pa ö.

Äni ma “Säthaw üng säbawng saite aely ngai näte mäny saite khimi na lä tähang hawi. Äni ce lä Säthaw üng pre-a tawngnang te vi.

Aede rung khytä sa pa saite khimi na lä tähang hawi. Säthaw ma äni ce tea äma üng nade na näkha ka vi ai.

Bälungsi saite khimi na lä tähang hawi. Säthaw ma äni ce bung awneng hai ai mang.

Kätüng sa te phüng-a äkälang na ma mätang bälai-a sa pa saite khimi na lä tähang hawi. Honi khimi na lä Säthaw üng pre-a tawngnang ö te vi.

Bäheng te bälung awng saite khimi na lä tähang hawi. Säthaw ma äni ce tea bäheng pa vi ai.

“Nang ce lä kai leithung hui ö te phüng-a, khimi ce ma nang ce tea käsi thui kha sakälö khü te hai kaeling kaemae thui dylä, nang ce lä tähang hawi. Kawng anghawtho ö. Säthaw ma nang ce tähang äma üng Känipre-a ävang käting py ai. Jangni-a buisaw na bung khimi ce ma nang ce tea sa te kätyng sakälö khü pa ö te by vi dy.

Bälung aemäneng saite khimi na lä tähang hawi. Säthaw ma äni ce tea älawngpre pyng hai ai.

“Nang ce lä älawngpre üng bälawi kätyng vi. Bälawidae dylä, lung rung khytä sa haile haw y dy. Khimi ce ma tawng hethang y dy. Tukha hini bälawi tea ärang-a käde phae kha khimi ce ma thaw phaedae vi ai.

Tukätephüng-a Känipre üng Pä-ai Säthaw lä cungrü te kätyng nang ce la cungrü-a awng ö jo.

Nang ce lä kälu hae haetä sa dylä, sa ai näkha thui. Sa y dylä, sa y näkha thui ö.

“Mosi ma nang ce üng kangsi ce tea thui saite särilo phüng mäny pyng vi dy. Äni ma ‘Khimi lawngtä lä khimi kälang üng ämi faitä tea pra hai mai dylä, khimi ce lä äma üng ämi pra by hethang kae. Khimi lawngtä lä lawngtä üng äfaw aekhy hai dylä, khimi ce lä äma üng äfaw aekhy by hethang kae’ näkha näpa. Tungaila vaihi nang ce tea kai ma: Nang tea sa tämang saite khimi tea lä tärawitha hang. Nang üng tangbeng täbeng saite khimi tea pheitä mang la täbeng hai be re.

Nang üng ämi bangtang mang hunghö sa hai vi dylä, honi ämi bung thawpu kha kädeja la. Nang üng ätabung käcung hai-a ngärei thung-a ly te qawng-a ämi faitä pra te lä hawiky vi. Nang üng kö bangtang mang hunghö sa hai vi dylä, honi äkö bung aebyng po kha kädeja la. Nang üng ätabung käcung hai-a ngärei thung-a ly te qawng-a äkö faitä pra te lä hawiky vi.