Popular Bible Verses from Mt 5

Share

Ndò fë, bakad ki koe alamba, bëngatele dò a enòṅ asi; batele dò a etelëga a yob, asu yë na avë e bod bësë bënë a nda mfyè. Mfyè waan ofyè a mis më bod nala, asu yë na bëyen mimbëmbë mi mam miabò, bëvë esya waan ya yob olugu.

Mina minë mfyè si. E tisòn enë a nkol a yob, esëki dzam sòbò.

Bësombòg mvòm, e ba bënë nnëm mfuban, Amu bayi yen Zamba.

Bësombòg mvòm, e ba bawog zie ai ekode asu sosoo, Amu bayi dzie.

Ma makad mina na: Diṅan minziziṅ mian, mikogëlan asu e ba bafëm mina

Bësombòg mvòm, e ba bënë mëbua a nsisim, Amu edzoe ya yob yawoge ai bò.

Bësombòg mvòm, e ba benë bod bë mvoè, Amu bayi bò loe na «Bòn bë Zamba».

Bësombòg mvòm, e ba bënë a mëlunga, Amu bayi bò vòli nnëm.

Bësombòg mvòm, e ba bëbëlë efëma asu sosoo, Amu edzoe ya yob yawoge ai bò.

Bësombòg mvòm, e ba bënë nnëm ngòl, Amu bayi bò yen ngòl.

Mina bësombòg mvòm, eyòṅ bënkag mina, bëfëmë mina, bëdzoo mina kan abe asë asu dama. Taan, mifono, amu maan man mënë abui a yob. Nala ngò bëngafëm e bëprofet bëmbë mina osu.

Bësombòg mvòm, e ba bënë evovoe, Amu si-ndon yayi bò ngab-elig dzaban.

Mina minë nku si. Ngë nku wasole, bayi wò bad kidi ai dze? Wasëki fë ai mfi, hë na bakub wò a nsëṅ, bod bëngakòòdò wò ai mëkol.

Tòbëgan a saaṅ anë mbol Tara waan ya yob anë a saaṅ.

Nkòbò waan obò hë owe, owe, ngë ki na kokoa, kokoa. E dzi yabëdëban a yob hala yasò abë Mbe.

Mingawog na bëngadzo na: «Dis labudan ai dis, asoṅ labudan ai asoṅ.» Ma makad mina na, të mialuman ai Mbe. Dzam da, ngë mod abimi wa a amaṅ ya mbo-nnomo, lëdëgë fë nyè e di avòg.

Ngë e dis doe ya mbo-nnomo labò na oku mbëg, tui dò, owoa dò oyab. Anë ai mfi na odzaè edzoo dzoe dzia alodo na nguma nyòl woe owoaban a mod mbimbi. Ndò fë, ngë wò woe ya mbo-nnomo waandëgëlë wa, tsigi wò, owoa wò oyab. Anë ai wa mfi na edzoo dzoe dzia edzaṅa lodo anë nguma nyòl odzaṅa mbimbiṅ ete.