Popular Bible Verses from Sdaɗi Apostelai 2

Share

Peter a miɗiɗi: Ki bindi payaiki gamai, a siya, a siya paŋ a nava baptisme war yikini Yesu Kristu kapai tuwurni a nava girdi n'edi, asakal par aga ki nivi Seze-sɗik aŋ like.

War hitrai na wiiɗi Apostelai, war bonu zi tawal, war ɓrawni simi, gaini hlai zi siiwa lai ɗa, ɗif a hinasi edi kai.

Seze-sɗik a viɗi gaini hlaiɗi paŋ, e tiki piɗi aŋ miɗi warni meme zamai zamai pini na Seze a siŋɗi aŋ miɗiŋ ɗa nɵa.

Tizaw suura a halasi amai war hlai n'amai par maini suura na wiini berber na gdaŋ nɵa. A halasi a viti dilimi n'e ɗi woɗi ta. Nagai e tili wala a sɗa maini elesni afu nɵa, a ɓurwa edi sini marni par, a sumna midiɗi ktai ktai paŋ. Seze-sɗik a viɗi gaini hlaiɗi paŋ, e tiki piɗi aŋ miɗi warni meme zamai zamai pini na Seze a siŋɗi aŋ miɗiŋ ɗa nɵa.

Mefeŋ paŋ e ɓûrwi gaini tempel ɗa kai, miɗi ktai, e simi ɗa aŋ bonu aha war dalam dalam, e simi simiɗi gaini firiyi, gaini kûlûni-si warɗi kai. E kûli Alaw, ɗai paŋ e firiyiɗi paŋ, mefeŋ paŋ ɗa, Epiɗ-ɗai a kiɗisi ɗai n'e ɗa kûri ɗa siɗi zi yimi sek sek.

Alaw a muɗa: War mefeŋ na asakal ɗa, aga mu ma Sezeŋa midiɗi ɗai paŋ, aliki na maɵagai gaiɗi na falakai lai ɗa aga e miɗi war wule war wule na wiiɗi ɗai na mini Alaw, aliki na gawlakai ɗa, wala aga a siŋka arɗi, ɗaiki na walakai ɗa, weseŋ aga a piɵiɗi.

Ɗai zi yimi ɗa paŋ e ɗi fu war hlai ktai, e tipi wazagaiɗi paŋ war hlai ktai lai. E wûri wazagaiɗi paŋ edi, dalamɗi gaini vowaiɗi lai, farai na e niviŋsi ɗa e ɓûrwiŋ arbaɗi, e si sini a siya ɗi paŋ pini hajani hajani.

Nɵa a siya a siya paŋ n'aga a yika yikini Epiɗ-ɗai mini ɗa, aga a kurɗa.

Futi ɗa aga te bunda aŋ gegeŋ, tile ɗa aŋ fel lai, wuzani hlai na mefeŋ na wiini Epiɗ-ɗai a cosi ɗa, mefeŋ n'abai, na juv gara hanɗa.