Popular Bible Verses from Luka 14

Share

Sɛ obi ba me nkyɛn, na ɔntane n’agya ne ne na ne ne yere ne ne mma ne ne nuammarimanom ne ne nuammaanom ne ɔno ara ne ho nso a, ɔntumi nyɛ me suani.

Na obiara a ɔnsoa n’asɛnnua na ɔnni m’akyire no, ɔntumi nyɛ me suani.

Na obiara a ɔma ne ho soɔ no, wɔbɛbrɛ no ase; na deɛ ɔbrɛ ne ho aseɛ no, wɔbɛma no so.

Saa ara nso na mo mu biara a ɔnnya deɛ ɔwɔ nyinaa hɔ ntumi nyɛ me suani.

Na mo mu hwan na ɔpɛ sɛ ɔto abantenten, na ɔrentena ase mmu ho nkonta ansa, sɛ ɔwɔ deɛ ɔde bɛtumi awie? Ebia wafiri aseɛ no, wantumi anwie a, wɔn a wɔhunu nyinaa bɛfiri aseɛ agoro ne ho sɛ: Onipa yi firii aseɛ toe, na wantumi anwie.

Na woto pono a, frɛ ahiafoɔ, mmubuafoɔ, mpakye ne anifirafoɔ, na woanya nhyira; ɛfiri sɛ wɔnni deɛ wɔde bɛtua wo so ka. Na ateneneefoɔ sɔreɛ mu na wɔbɛtua wo so ka.

Nkyene yɛ; nanso sɛ nkyene dɛ tu a, ɛdeɛn na sɛ wɔde to mu a ɛbɛma no ayɛ dɛ bio? Ɛmfata fam anaa sumina so, na wɔto gu. Deɛ ɔwɔ aso bɛtie no, ma no ntie!