Popular Bible Verses from Luka 5

Share

Na ɔgyaee kasa no, ɔka kyerɛɛ Simon sɛ: Siane kɔ deɛ ɛdɔ, na monkɔgu mo asau nyi nam!

Na Simon buaa sɛ: Owura, yɛayɛ adwuma anadwo yi nyinaa, na yɛannya hwee, nanso w’asɛm nti mɛgu asau no. Na wɔyɛɛ saa no, wɔbumaa mpataa pii; a na wɔn asau no retete.

Nanso ɔtwee ne ho kɔɔ ɛserɛ so kɔbɔɔ mpaeɛ.

Mammɛfrɛ ateneneefoɔ, na mebɛfrɛɛ nnebɔneyɛfoɔ sɛ wɔnsakyera wɔn adwene.

Na Simon Petro hunuiɛ no, ɔhwee Yesu nan ase kaa sɛ: Firi me nkyɛn kɔ, Awurade, na meyɛ onipa debɔneyɛni.

Na Yesu see wɔn sɛ: Wɔn a wɔwɔ ahoɔden no, ɛnhia wɔn ɔyaresafoɔ, na mmom wɔn a wɔyareɛ no.

Na wɔde akodoɔ no baa asase soɔ no, wɔgyaa ne nyinaa hɔ dii n’akyi.

Na ɛbaa sɛ ɔwɔ nkuro no baako mu no, ɔbarima bi a kwata ayɛ ne ho nyinaa baa hɔ. Na ɔhunuu Yesu no, ɔde n’anim butuu fam srɛɛ no sɛ: Owura, sɛ wopɛ a, wobɛtumi ama me ho afi. Na ɔtenee ne nsa kaa no kaa sɛ: Mepɛ, wo ho mfi! Na ntɛm ara na kwata no firii ne ho kɔeɛ.

Nanso ne ho asɛm trɛɛ mmom, na nkurɔfoɔ akuakuo pii bɛhyiaa sɛ wɔbɛtie no, na wasa wɔn nyarewa.