Popular Bible Verses from JOHN 14

Share

“Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u.

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

“Lungrethei in um hlah u, Pathian nan zumh khah, keizong ka zum ve u.

Sihmanhsehlaw Bawmtu, Thiang Thlarau Pa nih ka min i a thlah laimi nih zeizong vialte an cawnpiak hna lai, nan sin i ka chimmi vialte an hngalhter ṭhân hna lai.

Ka nawlpêk kha a pom i a nunpitu cu aka dawtu a si. Aka dawtu cu ka Pa nih a dawt lai, kei zong nih ka dawt ve lai i a sinah kâ lang lai,” tiah a ti.

Cun Pa ka hal lai i Amah nih Bawmtu dang zungzal i umpitu an pêk hna lai, Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai.

Cun ka min in nan halmi pauh cu ka tuah lai. Fapa thawngin Pa thangṭhat i a um khawh nâkhnga. Ka min in nan halmi pauh ka tuah lai.

Nanka dawt ahcun, ka nawlpêkmi nan zulh lai.

Ka Pa inah dal tampi a um, a um lo ahcun kan chimh cang hna lai, nan caah hmun timhlamh awkah ka kal lai.

Cun nan ca i hmun ka timhlamh hnu ah ka rak kir ṭhân lai i ka sinah kan lâk hna lai. Ka umnâk ah nannih zong nan um ve nâkhnga.

Thomas nih, “Bawipa, na kalnâk ding kan hngal lo, zeitindah a lam kan hngalh lai?” tiah a ti.