Popular Bible Verses from LUKA 6

Share

Pe ro, chuongchun pêkin um in tih, ṭhahnemngaitaka inkhia, nam- dêna, sâwi muka, liem zar zara, in mal chungah pêk nîng in tih. In inkhîna ngai bawkin inkhipêk in ni ding a ni sih a,” a ta.

Mi ṭha chun a lungril ro bâwm ṭhaa inthawkin thil ṭhahai a the suok hlak; mi suol chun a lungril ro bâwm siea inthawkin thil ṭha nawhai a the suok hlak; a lungril sip liem chu a bauin a hril suok el hlak a ni sih a.

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr loin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

In Pain mî a lunginsiet angin mî lunginsiet ve ro.

“Sawisêl naw ro, chuongchun, sawisêlin um naw ti niu. Tukhawm thiemnawah ruot naw ro, chuongchun, inthiemloin um naw ti niu. Ngaidam ro, chuongchun, ngai- damin um in tih.

“Ka thu ngaituhai, ka hril cheu hi, in hmêlmahai chu hmangai unla, a theidahai cheu chu an ṭhatna ding thaw unla, ṭawngsie inphurtuhai cheu chu malsâwmpêk unla, a sawisatuhai cheu chu ṭawngṭaipêk ro.

“Chun, mîn in chunga an thaw dinga in dit ang peiin mi chunga khawm thaw ve ro.

“Bieng khing tienga bentu cheu chu khing tieng khawm dâwpêk ro; chun, i puon lâkpêktu che kuoma chun i zakuo lâk khawm sêl naw. “A hnitu taphawt che kuomah pe rawh; chun, i thil lâkpêktu che kuoma chun hni nâwk ta naw rawh.

“Thing ṭha hrim hrim ra sea ra a um nawh; thing ṭha naw hlak ra ṭhaa ra a um bawk nawh.

Thing tin anni ra sengah ân hriet a nih. Mîn hruihlingnei kûngah theichang an lo ngai nawh, nghardai kûngah grêp an lo ngai bawk nawh.