Popular Bible Verses from EKSODOS 8

Share

Kita ki nongleh myntor ki pyrshang ban pyndonkam ïa ki buit myntor jong ki ban pynmih mait, hynrei kim lah. Bad kat shaba leit don tang ki mait suda. Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U TRAI u la lah ong, um shym la shahshkor ïa u Moses bad u Aaron.

Nangta U TRAI u la ong ha u Moses, “Khie leit sha u Pharaoh bad ïathuh ha u ba U TRAI u ong, ‘Shah ïa ki briew jong nga ban leit, khnang ba ki lah ban mane ïa nga.

Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U TRAI u la lah ong, u Pharaoh um shym la shahshkor ïa u Moses bad u Aaron.

Lada me kyntait, ngan pynshitom ïa ka ri jong me da kaba pyndap ïa ka da ki jakoid.

U TRAI u la ong ha u Moses, “Ong ïa u Aaron ban shoh ïa ka khyndew da u diengduh, ba u pui pui ha ka ri Ijipt baroh kawei un kylla mait.”

Bad U TRAI u leh kumta; ki skain da ki kynhun bah ki wan rung hapoh ïing jong u Pharaoh bad hapoh ïing jong ki rangbah synshar jong u. Ka ri Ijipt baroh kawei ka julor ha kita ki skain.