Popular Bible Verses from JENESIS 45

Share

Mynta, wat sngewsih ne kynnoh ïa lade namar ba phi la die ïa nga shane. Dei U Blei keiñ uba la phah ïa nga ha shuwa jong phi ban pynim ïa ki briew.

Kumta ym dei shisha ma phi kiba la phah ïa nga shane, hynrei U Blei hi. U la pynlong ïa nga u rangbah synshar bahakhlieh duh. Nga dei u nongkhmih ïa ka ri jong u baroh kawei; nga long u nongsynshar ïa ka ri Ijipt baroh kawei.

U Blei u la phah ïa nga ha shuwa jong phi ban pyllait im ïa phi ha ka rukom kaba phylla, bad ba ki khun ki ksiew jong phi kin im.

Kumta U Joseph u ong ha ki, “Ale kham hajan.” Ki ruh ki leit. Nangta u ong, “Nga dei u Joseph u para jong phi, ïa uba phi la die noh sha Ijipt.

Kane ka long tang ka snem kaba ar jong ka 'nemsniew ha kane ka ri, bad kan dang sah sa san snem ha kiba yn ym don ba lur ne ba ot.

U Joseph u ong ha la ki hynmen bad ha la u para, “Nga dei u Joseph! Shisha i pa i dang im?” Ki hynmen shynrang jong u kim lait ang shuh, ki la sheptieng shikatdei eh kat haduh ba kim lah ban jubab.