Popular Bible Verses from AI 4

Share

Ani dusrea konnachêch vorvim soddvonn mellunk xokona, kiteak amkam soddvonn diunk xokta toslem anink dusrem nanv mollba khala Devan mon’xank diunk na!”

Oxem magnnem kortastanam tim zomlelim ti dhornn kampli, tim sogllim Povitr Atmean bhòrlim ani kalljidarponnan Devachem utor porgottit ravlim.

Ani atam, Sorvespora, tancheô dhomkavnneô Tum polle ani sogllea kalljidarponnan Tuzo nirôp porgottunk Tujeam sevokank nirmi

Tumi bandpeamnim soddun dil’lo fatôr To, punn atam khorem mhonn’lear Taka Devan konnxea-sondhicho fatôr kela.

Pedruchem ani Juanvachem kalljidarponn polleun sobheche vangddi ojap zatale, kiteak te oxikxit ani chalte monis mhonn te somzotale; punn te Jezu borabôr astale mhonn tankam khobor asli.

Bhavarteancho akho zomo eka kallzacho ani eka monacho aslo; apnna lagim kitem aslem tem apnnachench mhonn konn dhorinaslo, punn tanchê lagim aslem tem sogllem soglleanchem mhonn tim dhôrtalim.