Popular Bible Verses from Mk 13

Share

Mhojea nanva pasot sogllim tumcho dvês kortelim; punn xevottak porian thir ravtit tankam Dev taronn ditolo.

To vêll kedna pavtolo to, tumi nokllot dekhun, chotrai dhôrat, zagrut ravat.

Ani dhorun diunk tumkam vhortat tedna, kitem ulounchem tê vixim adim-fuddem huskeum nakat; punn uloitele te tumi nhoi, punn Povitr Atmo To dekhun, tê ghoddier Dev tumkam ditolo, tench sangat.

Sôrg ani prithum’ sortelim, punn Mhojim utram kedinch sorchim nant.

Punn ekleach Bapak kaddun, anink konnakuch, sorgincheam dutank vô Putak legun, tea disachi vô ghoddiechi khobor na.

Laginch cholteleam loddaiancho gollbôll tumi aikotat tedna ani pois pettleleam zhuzanchi khobor tumkam pavta tedna, tumi akantum nakat; hem oxem ghoddonk zai, toripunn ho ozun xevôtt nhoi.

Hea pasot, ghoracho Dhoni kedna ietolo, tin’sanam, modeanir, kombea-sadar, ki fantea-parar, tem tumi nokllot dekhun zagrut tavat; na zalear, To ovchituch pavot ani tumi Taka nhidlelim mellxeat. Tumkam sangtam tem soglleank sangtam: zagrut ravat.”

Kiteak dês desacher ani raj rajeacher uprastelim, ani hanga-thõi bhikamp zateli ani dukôll poddtolo. Hem sogllem porsuttvenninchi survat.

Xevotta adim soglleam raxttrank xubhvhortoman porgott zaunk zai.

Ani portipallun Jezu tankam oxem sangunk laglo: “Mhojem nanv gheun, ‘apunnuch to’ mhonnun, sobar zann ietele ani zaiteank fottoitele dekhun.Tumkam konnem fottoinam zaunk chotraien ravat

Tumi aple xidduk ravat. Tumkam dhormsobhent dhorun ditelim ani devsthanamnim tumkam boddoitelim. Mhojê pasot razpalanchea ani razanchea fuddeant, tumi tankam govai diunchê khatir, tumkam ube ravchem poddtelem.

kiteak lobadde Krist ani lobadde provadi uprastele ani, zata zalear, vinchun kaddleleank porian fosounk puro tosleô khunna ani ochoriam korun dakhoitele.

Punn team disamnim, to sontap ietôch, suriacher kallôk poddtolo ani chondrim’ aplo uzvadd diuncho na, ani noketram mollba velim khala poddtelim ani ontralla veleô xokti kolkolteleô.