Popular Bible Verses from GENESIS 9

Share

Pathian mah in, “Kei leh nou leh na kiang ua thil hing chiteng omte kal a, suan tawp nei lou a omte a ding in, hiai ka thukhun chiamtehna ahi ding hi. Meipi ah ka sakhituihup ka zamsak a, huai kei leh lei kal a thukhun chiamtehna ding ahi.

Meipi a sakhituihup azam chiang in, Pathian leh leitung a sa om tengteng lak a thil hing chiteng kal a tangtawn thukhun om ka theihgige theihna ding in ka en zel ding,” achi hi.

“Mi sisan suahmi kuapeuh, huai mi mah in ama sisan asuah ding, Pathian batpih a mihing bawl ahi ngal a.

Huan Pathian in Noah leh atapate avualzawl a, akiang uah, “Chi tampi suang in hong pung unla, lei hon luahdim un.

Thil hing tang thei chitengte nou a ding in nek ding ahi ding ua; anteh hing ka hon piak bang in bangkim ka hon pe vek hi.

Leitung a sa chiteng leh tung a leng vasa chiteng in nou kihtakna leh lauhna anei ding uh. Hiaite leh lei a bokvak a pai tengteng leh tuipi a ngasa tengteng na khut ua piak ahita uhi.

“Nou chi tampi suang in hong pung unla, ta leh nau tampi nei unla, leitung ah hong pung un,” achi hi.