Popular Bible Verses from JOHONIN 16

Share

Koia hin nei om tit u na phukdaina nei manthei u na ranga hiva chong ngai hi keina ril u ani, ramuala duk ansaka nei om u ani zeia, tenchu angam chaka om u ro, asik chu koiin ramual ka zui zei!” ati na.

Hanum nisela Pathian ruia atak anlangpu Ratha dik tak ahong tik le chu atak zita na ruai unti. Ama ata ei ril ite om no ni, tenchu ei riat sua ngai keng ei ril rang, hatuka rui ala honga om rang um na la manriat unti.

Atun ten hin ka raminga nangin ite la zong u mak che, zong u ro lei man un na ti, na raisan u na ei kip theina ranga han.

Hanum nisela atak keina ril ani u zei, kei se rang hi na rang u na asa. Asik chu ka se nok ten ana Sanpu na kom u na hong no ni. Tenchu ka se tikle ama ha na kom u na hongtir ka ting. Hatuka ama ahong tikle chu asia ruia, dikna ruia hanuk ruirilna ruia ramual mi chunga asia la hong manlo inti.

Hasik han atun um na duk ei la na u, atun hin annguia nei om u tenchu nan mu pui ret u ka ting, hatika na rai san ret unti, hatuka ha na raisan u na chu tuten na kom u ata na pot thei u lai no ni. “Hava nikhua tika chu nangnin itena ankelrua nei u lai no ta ni, ataka kei na ti ani u zei, hatuka ama kom ka raminga nei zong u tak Pa han na pek unti.

Ataka keina ril ani u zei, chapa le charcha laka la om un na ti, tenchu ramual min chu arai lei man san intia; lan, ngui un na tia tenchu nei anngui u na dora raisanna la chang inti.