Popular Bible Verses from JOHONIN 21

Share

A nek a sak sua u le chu Isuan Simon Pitor rang, “Simon, Johon a naipasal hiva ngai neka hin na na dit bet mo?” Ama han, “O, Puma, keina ditna chu nangin na riat,” ati na amasanga. Hatuka Isuan akoma, “Ka berate ngai maruai ro,” ati na. Isuan voi annina na akoma, “Simon, Johon a naipasal, na na dit mo?” ati reta. Ama han, “O, Puma, keina ditna chu nangin na riat,” ati na. Isuan akoma, “Ka bera ngai vai ro,” ati reta. Isuan voi anthumna na, “Simon, Johon a naipasal, na na dit mo?” ati pe reta. Isuan voi anthumna, na na dit mo? ei ti sika Pitor a malung ana pena.Hatuka Isua kom, “Puma aloma nangin chu na riat kiar hale, keina dit um na riat hale,” ati na. Isuan akoma, Isuan, “Ka bera ngai rung ro, ati na.

Atak taka keina ril ani zei, na vang lai chu na kong na khita nei zot nana na van lenga. Tenchu na tar tik le chu na kut alangin na tia, min na kong na khit pe inti, hatuka nei zot nokna tiang na ruai unti,” ati na.

Aman akom u na, “Na rakuang u chang tiang han len deng u ro, man un na ti,” ati na. Hatuka amanin len avadeng u le chu nga atam rahai sika han a len u nuk thei u lai maka.

Simon Pitorin akom u na, “Koi chu nga sur ka se zei!” ati na. Hatuka amanin, “Koinim na bila hong inti,” ati u na, hatuka rakuanga ava chuang len u na tenchu hava zana han ite asur rua man u mak.