Popular Bible Verses from JOHAN 15

Share

“Hi kemeshentsse tonwa nu nthu na acünathu. Thowa na hi wi ben nu hi ma wi ben khe abi kejon bün yaben, kepaghenanye nthu na hi nsenla mangla saya nben.

Hi wi benyalo, isathu hi la nthu wi benyaden. Acüna kesü na maton wi nkeben tsü ma ketanla abi bün nkeya tsüti nthu la hi wi nkeben tsü nthu bi bünya nben.

Keujüla nthu na hi wi ben nu ijühthu na nthu wi ben lethu, nthu na mangwa nen khe khielo, isathu pi nthu cüben.

Nthu na hi kessi meya, isala hi nthu ya wa nu nthu bi anuphan benya keten tsü kejon bünyalo kesalina hi nthu kessiya nu nthu pi kekuli sa thsü. Isathu nthu inyan wina Abawa wi mangwa khie khe ma tsü pi nthu cüden.

Anyi meshu kesü ma pvüshangthu ghena tizenghali di ntsawa benya kemehai tsüna mathu ghena ma kahangli khukechi.

Ma hi wi acüna kesü le kesü lela abi nkebünwa tsü shüchiaben, nu ma acüna abi bün kebenwa tsü satemetha, isanu tsü ya metha nu abi kejon bünya thsüle kesalina.

Hawa ha iyenkhukechi: hi nthu tizenghali kesa tsüti nthu la khokho tizenghali liyalo.

Nthu bi kejon bünkeya wina iBa nyankethangwa tsü pi ccüca chiben; hati nu nthu na hi sansikeyathu sayaben.

“Hi kemeshentsse ton ntsawa, nu iBa na alli kenonccawa.

Anyi thowa na hi wi nben khe tsüna acüna kesü pi khala nu shü thsü keten tsüti; hati kesa cünathu saghu pi annibhon wi khalachi nu mecang thsüaben.

“Inonkeghe na nthu wi benya nu nthu nonkeghe ya cencuya thsüle kesalina hi ha pi nthu kizadha.

Hi iBa yenkhukechithu nieya nu ma tizenghali wi ben keten tsüti keujüla nthu na iyenkhukechithu tsü nieten lethu, hi tizenghali wi benya ben.

Hawa ha iyenkhuchi pi nthu kecü: nthu khokho tizenghali liyalo.

Keujüla nthu na ayyi nyi lethu, ayyi nyi na ma ji ti nthu tizenghali kesa. Isala hi ayyi hawa wina nthu kessiya kesalina nthu na ayyi nyi nye; tsalina ayyi nyi na nthu nanmeghüden.