1
JOHN I 4:18
Thuhun Thah (BSI)
SIMTBSI
Lungsiatna ah launa a um sih a, lungsiatna bukimin launa a delhmang zaw hi; Ajiahchu launa in thuaahgimna a nei hi. Launa neimi chu lungsiatna ah a bukim nailou ahi.
Compare
Explore JOHN I 4:18
2
JOHN I 4:4
Tate haw, nang u’chu Pathian a kuan na hi va, hute na zouta uhi; ajiahchu amah nanguh a um chu, khovel a umpa sangin a lianzaw hi.
Explore JOHN I 4:4
3
JOHN I 4:19
Ama’n eiuh ahung lungsiat masat jiahin, eiun amah i lungsiat uh ahi.
Explore JOHN I 4:19
4
JOHN I 4:7
Deihtahte, khat leh khat i kilungsiat diing uhi; ajiahchu lungsiatna Pathian a kuan ahi; huleh mi chin lungsiat siam photmah chu Pathian a piang ahi a, Pathian a he hi.
Explore JOHN I 4:7
5
JOHN I 4:8
Lungsiatna nei lou mi’n Pathian a he sih; bang jiahin ahiai i chih leh Pathian chu lungsiatna ahi.
Explore JOHN I 4:8
6
JOHN I 4:10
Hi-ah lungsiatna a um, eiun Pathian i lungsiat chih ahi sih a, ama’n eiuh ahung lungsiat a, i sualnate thuphatawina hi diingin a Tapa ahung sawl chih ahi zaw hi.
Explore JOHN I 4:10
7
JOHN I 4:11
Deihtahte, Pathian in hichilawma ahung lungsiat leh, eihaw zong khat leh khat i kilungsiat diing uh ahi.
Explore JOHN I 4:11
8
JOHN I 4:9
Hikhu ah Pathian in eiuh ahung lungsiatna a kilangta, amah jala i hin theihna diing a Pathian in a Tapa neihsun khovel a ahung sawl jiahin.
Explore JOHN I 4:9
9
JOHN I 4:20
Mi’n Pathian ka lungsiat, chi ngal a, a unau a muhdah inchu, mizuau ahi; ajiahchu a muh gegu a unau bawn lungsiat loupi’n a muh louh Pathian bangchi’n a lungsiat thei diai?
Explore JOHN I 4:20
10
JOHN I 4:15
Mi koipouh Jesu Pathian Tapa ahi chih gum taphot chu Pathian amah ah a um, amah zong Pathian ah a um hi.
Explore JOHN I 4:15
11
JOHN I 4:21
Huleh amah apat hi thupiah i nei uhi, Koipouh Pathian lungsiat in a unau zong a lungsiat diing ahi, chih.
Explore JOHN I 4:21
12
JOHN I 4:1-2
Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi. Hikhuah Pathian Hagau na he diing uh: Jesu Khrist tahsa in ahung piang chih gum hagau photmah chu Pathian a kuan ahi.
Explore JOHN I 4:1-2
13
JOHN I 4:3
Huleh Jesu Khrist tahsa in ahung piang chih gum lou hagau photmah chu Pathian a kuan ahi sih; hichu Khrist doudaalpa hagau hung diing ahi chih na jah uh chu ahi; tuin zong khovel aha um zouta hi.
Explore JOHN I 4:3