Popular Bible Verses from JAKOB 3

Share

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

Na lahva koi ahiai pila thu hethei um? thunuaigolhtah leh piltahin a silbawlte chu umdan hoih in ensah heh.

Huleh dihtatna gah chu kilepna bawlte apat a kilepna a tuh ahi.

Ajiahchu thangsiatna leh kinialna umna photah, buaina leh sualna chinteng a um veu hi.

Hukhuin Pathian leh Pa ngei chu i phat va; huleh humahin Pathian batpih a siam mihingte i haamsiat jel uhi. Kamsung khatmah a kipatin phatna leh haamsiatna a pawtkhe veu hi. Ka unaute, hi silte chu huchibang diing hilou ahi.

Huleh lei chu mei ahi a, i sapum hiangte lah a tatsiatna lompi chu lei ahi; huchi'n leiin sapum a bawnin a subolhhoh a pianpih hinkhua lampi chiah kualvelna chu a kaangsaha; huleh amah chu gawtmun mei in a kaang veu hi.

Hizongleh lei chu koima’n a khawijual thei sih uhi; gilou um kinken thei lou, sihna gu a dim ahi.

Ka unaute, mohtanna lianzaw tang diing i hi uh chih he in, mi tampi houtu in hung pang sih un.