Popular Bible Verses from ROMETE 4

Share

Ginlelhna jalin Pathian thuchiam tahsanglouin a um sih a; ginna ah a haat a, Pathian a paahtawi hi. Huleh thu ama’n a chiam phot chu a taangtungsah thei ahi chih he in a gingta tinten hi.

(Nam tampite pa in ka hung bawl hi, chi a gelh bangin, ) misite suhingtu leh, sil um loute um banga soitu a gintaat Pathian mitmuh ah.

Hu Jesu chu i tatsualnate jiahin piahkhiahin a um a, huleh siam i tanna diingin kaihthohin a um hi.

Kinephuaia a um louh inzong ama’n chu kinemtahin a gingta a, nam tampite pa ahung hihtheihna diingin; Huchibangin na haah ahung hi diing, chi a kisoi dungjuiin.

Hujiahin hehpihna jiaha ahihtheihna diingin, ginna jiahin ahi; haahte zousiah inzong thuchiam chu peelloua, a muhna diingun; daan nei mite chauhin hilouin, i bawnva i pu uh Abraham banga ginna nei zousiah inzong a mu diing uhi.

A bohsiatnate uh ngaihdam a umte leh, a sualnate uh khuh a umte chu a hampha uhi; Lalpa’n sualna nei a, a seh louhte a hampha uhi, chia a soi bangmahin.

Bang jiahin ahiai i chih leh Pathian lehkhathu in bang ahiai a soi? Abraham in Pathian a gingta a, hu ginna chu amah diing a dihtatna a ngaih ahi, a chi hi.