Popular Bible Verses from LUKA 10

Share

Ngai un gulte leh mom-aite totden theihna leh melma silbawltheihna jousiah tung a thuneihna kungpia hi. Bangmah in ahung hihna kei ding hi.

Jesu`n adawng a, a kiangah, “Martha, Martha! Sil tampi na ngaihtuah a buai nahi, hinanleh sil khatguak apoimoh hi; Mari-in tanhoih atelta a, huapen laksak louh ding ahi,” achi hi.

Aman adawng a, “ ‘Toupa na Pasian tuh na lungtang tengteng in, nakha tengteng in, na hatna tengteng in tualeh na lungsim tengteng in na it ding ahi; tualeh nangmah na ki it mahbang in na innvengte zong na it ding ahi,’ ” chi`n, achi a.

Tuachi`n aman akiang uah, “Buh lak ding atam mahmah a, hinanleh asemtute atawm uhi; tuajiakin abuh lading a nasem dingte hung sawlkhia dingin buh neipa kiangah ngen un.

“Ahihleh hih mi thumte lak ah kuapen gutate tuakpa innveng hiding in na ngaihtuah a?” achi hi. “Aman atung a khuatuahna neipa achi a.” Tuachi`n Jesu`n akiang ah, “Pai inla nang zong hihbang in vabawl in,” achi hi.

Pai un! ngai un, ngia hon lak a belamnou bang in kungsawl ahi.