Popular Bible Verses from LUKA 3

Share

Tuachia mi tengteng a baptis zoh in, hichi ahung hi a, Jesu`n zong baptisma a tangta a; tualeh athum laiin van ahung kihong a, Khasiangthou vakhu bang a taksa a om in hung kumsuk in atung ah ahung tuang a. Tualeh van a pan in aw khat a hungsuak a, “Nang ka Tapa deihtak nahi, na tungah ka kipak mahmah hi,” achi hi.

Johan in adawng a akiang uah, “Ken tui in noute kung baptis ngei ngut a, hinanleh kei sang a hatjaw leh thupijaw khat a hungpai hi, a khedap khau sutding in zong ka chingkei, aman Khasiangthou leh mei in ahung baptis ding, achi hi.

Tuajiakin kisikna ching gah hungnei masa phot un, tualeh Abraham kapu uh ahi chi`n na lungsim un ngaihtuah kei un, ajiak Pasian in hih suangtangte Abraham tate in a dingsakthei hi!

Tu mahmah in singbul chin ah hei koihkhit ahita. Tuajiakin singkung gahhoih neilou jousiah phuk in mei lak ah apaijel uh,” achi hi.

Jawlnei Isaiah laibu a: “Gamdai a kikou aw khat in; ‘Toupa lampi sial unla; a lampite tangsak un! Guamte sukdim ahi ding a, mual leh tangte sukngiam ahi ding; tualeh mun kawite suktang ahi ding a, lampi pholte suknam ahi ding. Tuachi`n mijousiahin Pasian hundamna amu ding uhi chia kigelh bang in!’ ”