Popular Bible Verses from MARKA 14

Share

Tualeh aman, “Abba-Pa,” sil zousiah Nang a dingin ahithei hi; hih nou kei a pat in lamang in; hinanleh, kei thu hilouin, Nang thu hijaw hen, achi hi.

“Khem a na omlouhna ding un kiging jing unla thum un. Kha injaw angap a, hinanleh taksa in azoukei,” achi hi.

Adiktak in kung hilh ahi, Leitung pumpi a hih tangthupha akigenna phot ah hihnu silbawl zong amahnu theihzingna dingin akigen ding hi,” achi hi.

Tuachi`n akiang uah, “Ka kha sihna khop hial in a lungkham hi; hihsan ah ana om unla, kiging gige un,” achi hi.

Tuachi`n anek laiun Jesu`n tanghou ala a, a gualjawl a, tuachi`n a balkek a, akiang uah apia a, “la unla ne un,” “Hih ka taksa ahi,” achi a.

Tuachi`n nou ala a, kipahthu agenzoh in, a kiang uah apia a; aun un adawn chiat uhi. Tuachi`n aman akiang uah, “Hih ka sisan a thukhunthak mi tampi a ding a luang pen ahi.

Tuachi`n Jesu`n akiang uah, “Tuja`n chiangin na un un lungkia in nung taisansiang ding uhi, ajiak, ‘Belampu ka jep ding a, Belam honteng aki thehjak ding uh,’ chih gelh ahi.

Thou un, ipai ding uh. En un, kei hung mansak dingpa anaita hi!” achi hi.

Jesu`n akiang ah, “Adiktak in kung hilh ahi, tuni`n, tujan chiangin ak nihvei akhuan ma-in thumvei nung kitheihmoh bawl ding,” achi hi.