Popular Bible Verses from Yõaannẽ 5

Share

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

Ma baa adtuuha Yeesu ĩnõõnnõ ngaatĩ oongiyyi nĩngaata nẽ ũmmũda ngaatĩ ahuulẽnĩ irkiꞌnyia ꞌcĩg mẽẽlĩg ko, ikia ijin ĩnõõnnõ ĩĩnnĩk, “Adiimi nii bũna?”

“Agiillu niig ꞌBuuk cĩ Nyekuci gẽrrẽẽt, hĩnĩngĩtĩ ammuku ainnu ammũdaannu hatĩ rũgẽt ꞌcĩ aalla ooo hĩ ĩnõõnnõ. Õthõõꞌtha ꞌBuuhi cĩ Nyekuci ho nganĩĩta, nẽẽthĩ, aburru hinnia niig ngaatĩ auunnu hĩ nganĩĩt, hátĩ ummuddia rũgẽt ꞌcĩ aalla ooo.

Nĩngĩtĩ annẽẽkĩ Yeesu ĩnõõnnõ, “Tĩnga, dũhan lotoonu cunni bĩtõ!” Ma hĩdĩĩkoothong, ũbũna ẽẽtĩ. Nĩngĩtĩ adũhanĩ lotoonu cĩnnĩ õkõõĩ. Baa ĩĩn lõõcĩ Kõr cĩ ꞌYiommaanõ ꞌthaa ꞌcĩ aaꞌnyĩkĩ Yeesu eet hũbũna ho.

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.