Popular Bible Verses from Te Otinako 9

Share

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

E kanakoa Moote te UEA ma te rongorongo ae e kaangai nakon uean Aikubita: Te UEA ae Atuaia Ebera e tuangko ma te matoa b'a ko na kanakoia ana aomata, b'a aonga ni kona n taromauriia.

Ma ngkana I tia n tabeka baiu n oroiko ma am aomata n te aoraki, ao ko na kaman mauna nako.

E na katuaaeako ni karokoa te aoraki ae e kakamaaku i aoia ami man ni kabane, ami aoti, aati, kaamero, kao, tiibu, ao kooti. N na kaokoroi aia man Iteraera ma aia man kaain Aikubita, b'a e aonga n akea manin Iteraera ae na mate.

N te tai aei nakon te ingabong N na karokoa te karau te aiti, n aron ae e tuai man n reke n rongorongon Aikubita ni kabane. Ko na anga am taeka nakon am man ni kabane ao b'aai ni kabane akana a mena i tinaniku b'a a na katanaki. E na b'aka te karau te aiti i aoia aomata ao maan akana tiku i tinaniku n aki katanaki, ao a na bane ni mate.

A na maae nako kaanga taiani baareka aika mmani i aon Aikubita ni kabutaa, ao a na kariki taian kaboa n taabo nako ake a na manga riki b'a maneka aika uki mataia i aoia aomata ma taiani man.” Ma ngaia are, a karekei tabeua taian mannang ao a tei i matan te uea; ao e karenakoi Moote nako nanon te ang, ao a kariki taian kaboa ake a manga riki b'a taian maneka aika a uki mataia i aoia aomata ma maan.