Popular Bible Verses from Karikani B'aai 17

Share

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Ao e na aki manga atongaki aram b'a Aberam, ma e na atongaki b'a Aberaam, i bukina ngkai I karikiko b'a aia bakatibu botannaomata aika m'aiti.

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

“I boraraoi ma ngkoe: I berita b'a ko na riki b'a aia bakatibu botannaomata aika m'aiti.

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Ao e bobaraaki Aberaam ni kabo matana ma aontano, ma e ngare n ana iango ae kaangai, “E koaua b'a e kona ni kariki te aomata ngkana ai tebubua ana ririki ni maiu? E kona ni kariki Nei Taara ngkai ai ruabwi ana ririki?”

E taku te Atua nakon Aberaam, “man te tai aei ko na aki manga atonga aran buum b'a Nei Tarai, ma e na aranaki b'a Nei Taara.

Ni moa man te tai aei, ao kam na koroi kunin taboni m'aneia ataei ni mm'aane ni kabane akana a koro wanua aia bong i mwiin bungiakiia, n ikotaki naba ma nati mm'aane akana natiia ami toro akana bungiaki ni mwengami, ao tooro naba aika kam kabooi mairouia ianena. E na kaotaki raoi n aei b'a iai te boraraoi i marenau ma ngkami.

Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.”

Kam na bane ni korotabonim'aneaki, ao bon aei kanikinaeana i aon rab'atami b'a boni iai te boraraoi i marenami ma Ngai. A riai ni bane ni korotabonim'aneaki n tatabemaniia nako, ao e na riki aei b'a te kanikina i aon rab'atami b'a kaotan Au boraraoi ma ngkami ae akea tokina.