Popular Bible Verses from มัทธิว 24

Share

คน​ตังหลาย​จะ​บ่มี​ความ​ฮัก​หื้อ​กั๋น​แหม​ต่อ​ไป ย้อน​ว่า​ความ​บ่ดี​จะ​นัก​ขึ้น​ติกๆ แต่​ถ้า​ใผ​ตี้​ทน​ได้​จ๋น​เถิง​ตี้​สุด​จะ​ได้ฮับ​ความ​รอด​ป๊น​บาป​โต้ษ

คน​จะ​บอก​ข่าวดี​เรื่อง​แผ่นดิน​ของ​พระเจ้า​ไป​ใคว่​ตึง​โลก เปื้อ​กู้​จ้าด​จะ​ได้ยิน​ข่าวดี​นี้ แล้ว​วัน​สิ้น​โลก​จะ​มา​เถิง

ต้าน​ตังหลาย​จะ​ได้ยิน​เรื่อง​สงคราม กับ​ได้​ข่าว​ลือ​ว่า​เกิด​สงคราม​ตึง​ใก้​ตึง​ไก๋ ก็​บ่ถ้า​ตก​อก​ตก​ใจ๋ ย้อน​เรื่อง​จาอี้​จะ​ต้อง​เกิด​ขึ้น​ก่อน แต่​ยัง​บ่เถิง​วัน​เสี้ยง​สุด​ของ​โลก​เตื้อ

ประเทศ​นึ่ง​จะ​สู้ฮบ​กับ​แหม​ประเทศ​นึ่ง อาณาจักร​นึ่ง​ก็​จะ​สู้ฮบ​กับ​แหม​อาณาจักร​นึ่ง จะ​เกิด​ก๋าน​กั้น​ข้าว​อยาก​น้ำ​กับ​แผ่นดิน​จะ​ไหว​หลาย​ตี้ แต่​เหตุก๋ารณ์​หมู่​นี้​ก็​เผียบ​เหมือน​ก๋าน​ตั้งเก๊า​เจ็บ​ต๊อง​ก่อน​เกิด​ลูก

ต๊องฟ้า​กับ​โลก​จะ​ยุบ​หาย​ไป แต่​ถ้อยกำ​ของ​เฮา​จะ​บ่สูญหาย​ไป​เลย

ย้อน​ว่า​จะ​มี​หลาย​คน​อ้าง​จื้อ​ของ​เฮา​ว่า ‘เฮา​เป๋น​พระคริสต์’ แล้ว​จุล่าย​หื้อ​หลาย​คน​หลง​เจื้อ

“หมู่​ต้าน​จะ​ถูก​ยับ​ไป​ทรมาน แล้ว​ถูก​ฆ่า คน​จะ​จัง​ต้าน​ใคว่​ไป​หมด ย้อน​ว่า​หมู่​ต้าน​ได้​ติดต๋าม​เฮา เถิง​ต๋อน​นั้น​หลาย​คน​จะ​เลิก​เจื้อ จะ​หักหลัง​กั๋น​กับ​จะ​จัง​กั๋น​ตวย จะ​มี​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​หลาย​คน แล้ว​มา​จุล่าย​คน​จ๋ำนวน​นัก

พระองค์​ตอบ​ว่า “หละวัง​หื้อ​ดี ห้าม​หื้อ​ใผ​จุล่าย​ต้าน​เน่อ

เหมือน​เดียว​กั๋น ต้าน​ตังหลาย​จง​เกียม​ตั๋ว​ไว้​หื้อ​พร้อม ย้อน​ว่า​บุตรมนุษย์​จะ​มา​ใน​เวลา​ตี้​หมู่​ต้าน​กึ๊ด​บ่เถิง

“ย้อน​จาอั้น​หมู่​ต้าน​จง​หละวัง​ตั๋ว​หื้อ​ดี ย้อน​ต้าน​บ่ฮู้​ว่า​องค์​พระผู้เป๋นเจ้า​ของ​ต้าน​จะ​ปิ๊ก​มา​เมื่อ​ใด​วัน​ไหน​กั๋น​แน่

“แต่​ว่า​วัน​นั้น​เวลา​นั้น​ตี้​สิ่ง​หมู่​นี้​จะ​เกิด​ขึ้น บ่มี​ใผ​ฮู้​สัก​คน หมู่​ทูตสวรรค์​ก็​บ่ฮู้ บุตร​ของ​พระเจ้า​ก็​บ่ฮู้ มี​ก้า​พระบิดา​องค์​เดียว​เต้าอั้น​ตี้​ฮู้

ย้อน​ว่า​จะ​มี​พระคริสต์​ตั๋ว​ป๋อม กับ​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม​เกิด​ขึ้น แล้ว​หมู่​เขา​ก็​จะ​เยียะ​ก๋าน​อัศจ๋รรย์​กับ​หมายสำคัญ​ต่างๆ เปื้อ​จุล่าย​แม้​แต่​คน​ตี้​พระเจ้า​ได้​เลือก​ไว้​แล้ว ถ้า​เป๋น​ไป​ได้

เมื่อ​บุตรมนุษย์​จะ​มา ก็​จะ​เป๋น​อย่าง​เดียว​กับ​ใน​สมัย​ของ​โนอาห์ คือ​ว่า​ใน​สมัย​ของ​โนอาห์​นั้น ก่อน​ตี้​น้ำ​จะ​ท่วม​โลก คน​ตังหลาย​ได้​กิ๋น​กับ​ดื่ม มี​ก๋าน​แต่งงาน​กั๋น ตึง​ยก​ลูก​หื้อ​เป๋น​ผัว​เมีย​กั๋น จ๋น​เถิง​วัน​ตี้​โนอาห์​ได้​เข้า​ไป​ใน​เฮือ คน​ตังหลาย​หมู่​นี้​บ่ฮู้​ตั๋ว​เลย​ว่า​จะ​เกิด​เหตุก๋ารณ์​อะหยัง​ขึ้น เต๊า​ฮอด​น้ำ​ท่วม​ปั๊ด​ปา​คน​หมู่​นี้​ไป​หมด เมื่อ​บุตรมนุษย์​จะ​มา​ก็​จะ​เป๋น​จาอั้น​เหมือน​กั๋น