Popular Bible Verses from Zone 19

Share

Meke sipu beto napoa Zisu sa vaeni si zama si Asa, “Ele beto hokara.” Meke tiqe va todoṉo gorea Sa sa batuna meke luaria Sa sa maqomaqona.

Sipu gilania Zisu sapu ele hokoto kamahire sari doduru tiṉitoṉa meke pude tava gorevura valeana, sapu gua ele ta kubere pa Kinubekubere Hope, gua, si zama si asa, “Memeha Qua,” gua.

Meke sipu dogoria Zisu sa tinana meke sa disaepeli sapu tataru hola nia Sa, korapa turu dia vasina, si zama la koasa tinana si Asa, “Isa sa tumu,” gua si Asa. Meke zama la tugo koasa disaepeli si Asa, “Isa sa tinamu,” gua. Podalae koasa totoso tugo asa, si turaṉa vagia sa disaepeli sa tinana Zisu meke la koa pa nana vetu.

Ba sipu la dia koe Zisu gua si dogoria rini sapu ele mate tu si Asa, ke lopu mokui rini sari nenena. Ba huma nia hopere keke solodia si Asa pa kali qeleqelena, meke zoloro vura va hodaka sa ehara na kolo pa tinina Sa.

Ta evaṉa saripu gua hire pude tava gorevura sa Kinubekubere Hope sapu zama guahe: “Lopu keke rina susurina si kote ta moku,” gua. Meke keke zinama pule pa Kinubekubere Hope si zama guahe: “Kaqu doṉo la ia ri sa tie pu huma ia rini,” gua.

Meke palekia Sa sa nana korosi, meke la kamo pa keke vasina sapu ta pozae, “Batu Tomate,” (Pa zinama Hiburu si Qoloqota.)

Meke tavetia rina solodia si keke piribatu rakirakihi guana toropae baṉara, meke va hakea rini pa batuna, meke va sage nia poko pepolo tana baṉara rini si Asa.