Popular Bible Verses from Injil 3: Luk 17

Share

Bade Isae tare ḳoila, “Bai, tumar imanor bole-u tumi bala oiso. Oḳon sohi-salamote zao.”

He dinor maze shatbar dush ḳoria, shatbar aia tumar gese maf saile, tare maf ḳori dio.”

Tarar maze eḳzone zebla deḳlo, he bala oigese, dekia-u zure zure Allar tarif ḳori kori he firia ailo. Aia Isar faot foṛia tanre shukria zanailo. He oilo Shomoria zatir manush.

Tumra-o zarzir befare hushiar roio. Tumar kunu baie tumar gese dush ḳorle tare buzaio. He dil bodlaia maf saile tare mafi dio.

Teu Isae ḳoila, “Dosho zonre-u kunu bala ḳora oise na ni? Te baki noyzon kuai?

Tain ḳoila, “Tumrar dilo zudi egu ḍengar bisir foriman iman taḳe, ar tumra ou heora gasre ḳo, zoṛ shudda huria gia doriat gaṛizao, te he tumrar ḳota hunbo.

Mono rakio, ze zone zan basaito sae, he nizor zindegi kuaibo, oile ze zone zan shofia dey, he zindegi faibo.

Hozrot Isae tan shagrid oḳolre ḳoila, “Gunar fote neoar lagi uskani aibo-u aibo. Oile lannot hou zonor ufre, zegie guna ḳorar lagi uskani dey. Ou bebuz oḳlor eḳzonre-o zegie gunar fote ṭania ney, ogur lagi aro bala oilo one, ogur golat fattor bandia doriat falai deoa.

“Zela Nuh nobir amolo oisil, ami bin-Adomor zomanat-o ola oibo. Nuh nobi zazo uṭar ag forzonto manshe ḳana-fina, bia-shadi ar gor-shongshar ḳorta, Nuh nobir boinna aia itare nifat ḳorlo.