Popular Bible Verses from Injil 3: Luk 8

Share

Bala zomino foṛa zaladi buzail oise, zera hok ar sohi dile Allar kalam hune, hunia nizor dilo balamonte gatia raḳe, ar imane mozbut roia zindegit bala fol dore.

Bon-jonglat foṛa zaladi buzail oise, zera imanor daot hune, oile duniabi dandat foṛia don-samanar lalos, ar aram-ayeshor bae saia ita faurilae. Erdae tarar zindegit kunu bala fol dore na.

Ar hukna-shokto maṭir ufre foṛa zaladi buzail oise, zara i kalam besh kushi oia hune, oile kalame tarar dilo balamonte zoṛ ḳore na. Erdae i iman tuṛa ḳoydin ṭike, kunu forikkat foṛle-u tarar iman kuailae.

Isae tarare ḳoila, “Ou ota ni tumrar iman?” Tara ḍoraia taijjub oia eḳe-oinnore ḳoila, “Ein ashole ḳe, deḳrae ni batashe ar fanie-o tan hukum mane?”

Ailor maze foṛa zaladi buzail oise, zera Allar kalam hune, bade Iblise aia tarar dil taki ita ḳaṛia neygi. Iblise sae na manshe iman ania nazat hasil ḳorouk.

Te ila gaibi kunta-u nai zeta zair oito nae. Ila lukail-o kunta nai zeta ḳeu hunto nae ba zanto nae.

Ou beṭie zebla deḳlo dora foṛigese, tai kafi kafi Isar samne aia tan fao-o foṛia hoḳlor samne-u ḳoilo, ḳene tai Isare soisil ar kilan loge loge-u bala oigese. Isae beṭire ḳoila, “Mai go, tumi ekin ḳorso ḳori bala oiso. Oḳon shantie baṛit zao.”

Sahabi oḳol Isar daro gia tane hozag koria ḳoila, “Huzur, huzur, amranu moriziram.” Isa uṭia fanir ḍeu ar batashre damki dila. Loge loge-u ḍeu ar tufan tamia hoḳolta tir oigelo.