Popular Bible Verses from Acts 2

Share

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Ma ur pired ni be machib nagrad e pi apostel, ma yad be par nike ta’reban’rad, ma yad be abich ma yad be meybil u ta’bang.

Mi yigo’o sugnagrad e Kan Nthothup miyad tabab ko numon nlungun boch e nam, ni bod rogon nike muruwliyrad fare Kan Nthothup ni ngar nonod.

Ma yugu ni gin ma ke yib lingan ban’en u lanelang ni bod lingan bangi nifeng nib gel nike thow, me sugnag fare naun ni polo’ ni kar pired riy nga but’. Miyad guy e nifiy ni bod ya’an e yunmon nike wear; ni ra be’ u rom ma ke yan i math reb ngak. Mi yigo’o sugnagrad e Kan Nthothup miyad tabab ko numon nlungun boch e nam, ni bod rogon nike muruwliyrad fare Kan Nthothup ni ngar nonod.

Gubin e rran ni ur mu’ulunggad ngalan e Tempel, ma yad be abich u ta’bang u tabinaw rorad i yan, ni yad be kay e ggan ni bay rorad u fithik’ e felfelan’ ngu fithik’ e sobut’an’, ma yad be pining e magaer ngak Got, ma yad be par ni yad bfel’ u wan’ urngin e girdi’. Ma gubin e rran ni be puthuy Somol ko re ulung rorad nem e pi’in kafin ra thapgad ngak Got.

Ke ga’ar Got, Ba’aray e n’en ni bay gu rin’ ko tin tomur e rran: Bay gu pu’og fare Kan Nthothup rog nga daken urngin e girdi’; ma pifakmed ni pumo’on nge ppin e bay ur yi’iygad, ma pi pagel ni pifakmed e bay ni piliyeg owcherad ngar guyed bogi ban’en ni bayi dag Got ngorad, ma pi’in pumo’on ni kar pilibthirgad e bay ra lik’ayniged bogi ban’en ni Got e gagiyegnag.

Urngin e pi’in ke mich Jesus u wun’rad ni ur pired nib ta’reban’rad, mra bagayad ma tin ni bay rok e farad ni yad gubin. Yad ma pi’ e binaw nge tin ni bay rorad ni chuway’ miyad fek e salpiy riy ngar f’othed rorad, ni be yan u rogon e n’en nra be’ ma dabisiy ni nge yag ngak.

Ma aram e cha’ nra pining fithingan Somol ni nge ayuweg e ra fos.

ma bayi talumor lan mit e yal’, ma bayi row lan mit e pul nge bod ram’en e racha’ u m’on ndawori taw fare Rran ni ir e ba ga’ ma ba th’abi fel’, ni Rran rok Somol.