Popular Bible Verses from Luke 11

Share

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere en ni Chitamangiy ni bay u tharmiy e ri ra pi’ fare Kan Nthothup ngak e pi’in yad ra ning ngak!”

Ere be lungug ngomed: Mu ninged, me yag ngomed; mu gayed, mi gimed pir’eg; mu tugtuguyed e mab, min bing e mab ngomed.

Ya gubin e girdi’ ni yad ra ning ban’en e ra yag ngorad, ma en nra gayiy ban’en e ra pir’eg, ma mab e yira bing ngak e en nra tugtuguy.

Me ga’ar Jesus ngorad, “Ba’aray rogon ni ngam meybilgad ni nge lungumed: Chitamangimad, ngan tay fan fithingam nib thothup, ma ga par ni gur e ga be gagiyegnagmad.

Ma ga n’ag fan u wun’um e denen romad, ya kug ninged fan u wun’mad e kireb nike ngongliy urngin e pi’in kar ngongliyed e kireb ngomad. Ma dab mfekmad ko sikeng nib mo’maw’.”

Mpi’ ngomad u reb e rran ngu reb e rran e ggan ni nge yag ngomad.

Lan owchem e bod rogon ba magal ni fan nga dowam. Fa’anra bfel’ lan owchem, ma dowam ni polo’ e ba sug ko tamilang; ma fa’anra ba tagan lan owchem, ma aram e be par dowam ni polo’ u fithik’ e lumor.

“Dariy be’ nra tay e nifiy ko magal me mithag ara tay nga tan barba’ i ban’en; ya ra tay nga tagil’ e magal, ni fan e nge yib e girdi’ nga naun miyad guy ram’en.