Popular Bible Verses from Luka 12

Share

“Ma a̱nia wa, nyin meang, ku yet ta hwa nyi ni̱ nswan cham kuzang jen! Mat Nggwon A̱tyubishyi ka na bwuok a̱ bai di̱n jen nang nyi ndyen a̱ni bah.”

“Da̱ a̱kwonu a̱kya, si̱ nyi ya ntsa kup á̱ghyi di̱ chat Tyok A̱gwaza hu ma̱ng tsotswat nggu hu. A̱wot nggu meang, a̱ na mbeang nyin a̱mgba̱m á̱kum nkyang ka nang nyi chat a̱ni.

A̱jawa Yesu si̱ bu nyia̱ ma̱ng a̱mba, “Nyi ta̱bam! Nyi cham á̱pyia̱ nyin, nyi khap á̱pyia̱ nyin ma̱ng kuzang tangka̱i wuwok! Mat byia̱ nkyang ma̱ a̱di̱di̱t, huhwa yet a̱tsatsak shyichet bah.”

Mat, a̱vwuo ka nang nyi ntung zwá nyin ji a̱ni, a̱ja wa nang a̱di̱dam mi̱ nfwuo nyin wu nshya̱ mameang.

A̱nyan wa ma̱ nyin, a̱mgba̱m a̱fi̱fa nyin wu, ka̱ doot a̱ mbeang a̱banjen ma̱ chunchwiit mi̱ swuan nggu ji?

A̱jawa Yesu si̱ bwuak, a̱ si̱ nyia̱ ma̱ng mman ta̱m nggu na, “Huhwa mbyia̱ nang n tak ma̱ng a̱nyin; nyi yok nyia̱ a̱fi̱fa tazwa shyichet nyin hu kuzang a̱tuk bah. Nyi bu yok nyia̱ a̱fi̱fa tazwa kyayak nang nyi na ya a̱ni, ku a̱yaatoot nang nyi na kup a̱ni bah.

A̱wot kuzang a̱tyin pyia̱ a̱nyiung ka̱ shya̱ a̱pyia̱ ang ka a̱ni; A̱gwaza fang a̱ si̱ lyen ka. Mat a̱nia, nyi yok fa̱k a̱wun bah. Nyi swak a̱sorong á̱ga̱shoot ma̱ng yet a̱tsatsak da̱ a̱vwuo A̱gwaza.

“Mat a̱nia, nyin a̱bachunchwiit a̱sorong zón seap, nyi yok fa̱k a̱wun bah. Mat A̱tyia̱ nyin wu a̱ shya̱ tswazwa ka a̱ni, shya̱ ma̱ng a̱gba̱ndang a̱gwai a̱ na nwuak nyin Tyok nggu hu.

“Nyi nwuan a̱yaankweak shansham nyi lii. Ba̱ chyui, ku ba̱ chak yak ba̱ tyia̱ ma̱ a̱yaagban bah. A̱mgba̱m ma̱ng a̱nia, A̱gwaza wa ni̱ nang mba kyayak hu. A̱wot nyin, nyi swak a̱ka̱man na ma̱ng yet ma̱ za̱nzan da̱ a̱vwuo A̱gwaza baa?

“Mat a̱nia, nyi yok nyia̱ a̱fi̱fa di̱ nkyang nang nyi na ya, ku nyi swuo a̱ni bah. Nyi bu yok nyia̱ a̱fi̱fa di̱ ntangka̱i nkyang a̱nia bah.

A̱wot ka̱ A̱gwaza tyei nkywat a̱ka̱kwon mi̱ kyai a̱yit shisham, nkywat na na̱ nshya̱ a̱fwun, a̱wot a̱tson á̱ wu tyia̱ na mi̱ ndong; ku myim nyi lyen za̱m nang gu na nnang nyin a̱yaatoot! Kwot! Yihwa mbyia̱ nang nyi nwuak fwuo ma̱ chunchwiit da̱ A̱gwaza!

Jen chobai nang kuzang kyang ku shya̱ di̱ kup a̱ni, á̱ na khwuk hu kpa̱sai. Ma a̱nia wa, a̱mgba̱m nkyang na̱ shya̱ di̱ niat a̱ni, á̱ na tyai na kpa̱sai, konyan a̱ lyen.