Popular Bible Verses from Luka 24

Share

“A̱wot á̱ na labeang bah, n na nta̱m ma̱ng a̱nyin A̱za̱za̱rak Ntswa wu; ma̱nang A̱tyia̱ nung wu ku nnyia̱ a̱li̱ka̱uli a̱ na ta̱m ma̱ng a̱nyin dyo a̱ni. A̱wot nyi ya ndabeang mi̱ Urusha̱lima. Nyi fwuong jen nang A̱za̱za̱rak Ntswa wu na mbai, a̱ tyia̱ nyin chet gba̱mgbam ku neet Ma A̱gwaza tswazwa a̱ni.”

Yesu shya̱ a̱ji bah. A̱ wa ka̱n doot ma̱ á̱niet ba̱ ka̱n kwi a̱ni! Nyi jhyung a̱lyiat na nang gu ku hyia̱ ma̱ng a̱nyin nang gu ni̱ shya̱ ndung ma̱ng a̱nyin mi̱ fam a̱byin Ga̱lili hu a̱ni, “Yesu ku nyia̱

Mi̱ di̱ yong a̱hwa, á̱ghyi mba ba si̱ kin tat, ba̱ si̱ fi̱k nang Yesu wa! A̱wot di̱n jen a̱ja, a̱ si̱ kin ta̱yuut! Mman ta̱m na si̱ lyiat tsi̱tsak mba nyia̱, “A̱tsak a̱lyiat, jen nang zi̱ nshya̱ di̱n vak hu nang Yesu ku ngwa̱i nzi̱t A̱lyiat A̱gwaza na nang á̱ lyuut a̱ni; zi̱ ku byia̱ a̱gwai ba̱t mi̱ nfwuo nzi̱t na baa?!”

A̱wot a̱ si̱ nyia̱ ma̱ng a̱mba, “A̱tsak a̱lyiat, á̱ ku lyuut mami A̱lyiat A̱gwaza na gbangbang; nyia̱ Kristi na swuo a̱bung, a̱ khwu, a̱wot a̱tuk mam tat ka, a̱ doot ma̱ng swuan ma̱ á̱niet ba̱ ka̱n kwi a̱ni. “A̱wot á̱ na shei A̱sham Nkhang kani, mami tyok a̱lyoot nung, mi̱ kuzang nwap mi̱ bibyin swanta hu. Á̱ na tsa shei A̱sham Nkhang kani neet mi̱ Urusha̱lima, nyia̱: A̱mgba̱m á̱niet ba ba̱ ghwon a̱ka̱tuk nyia̱, ba̱ si̱ khwi A̱gwaza a̱ni, á̱ na chi a̱ka̱tuk nyia̱ mba wu!

A̱wot ba̱ ku si̱ shya̱ nang á̱ byuut a̱gba̱ndang a̱fang wu, nang á̱ nkup a̱nu lyak ka a̱ni, á̱ sak zan! Mat a̱nia, ba̱ si̱ nwuo mami lyak ka. Da̱ mba, ba̱ li kwom A̱tyoli Yesu hu bah!