Popular Bible Verses from Matyu 28

Share

Mat a̱nia, nyi nat nyi si̱ tyia̱ a̱mgba̱m á̱niet kuzang nwap mi̱ swanta hu ba̱ yet mman ta̱m ba̱ khwi nung. Nyi nyia̱ mba ba̱ptisman mami a̱lyoot A̱tyia̱, ma̱ng Nggwon, ma̱ng A̱za̱za̱rak Ntswa wu. Nyi bu tyiet mman ta̱m á̱fai na na̱ bu khwi a̱mgba̱m tyiet nang n tak nyin a̱ni. A̱wot nyi nwuak a̱chuchuk, n ni̱ shya̱ ndung ma̱ng a̱nyin kuzang jen, si̱ nat a̱mgba̱m che wu!”

Yesu si̱ bai, a̱ si̱ tyia̱ mman ta̱m nggu na ta̱m nyia̱, “Á̱ nwuak nung a̱mgba̱m Tyok Ma A̱gwaza tswazwa ma̱ng swanta.

A̱jawa a̱ta̱m tswa A̱gwaza wu si̱ nyia̱ ma̱ng á̱nyiuk ba, “Nyi yok fa̱k a̱wun bah! Mat n dyen nyi chat Yesu wa, nang á̱ ku kpang da̱ a̱team a̱khwu wu a̱ni. A̱ shya̱ a̱ji bah! A̱ wa ka̱n shyip a̱ si̱ doot ma̱ á̱niet ba̱ ka̱n kwi a̱ni, cha̱chaat ma̱nang gu ku nhyia̱ a̱ni. Nyi bai nyi li a̱vwuo ka nang á̱ ku mmyiai kwom nggu hu a̱ni!

A̱jawa Yesu si̱ nyia̱ ma̱ng a̱mba, “Nyi yok fa̱k a̱wun bah! Nyi nat nyi si̱ tak mman nta̱m nung na ba̱ nat Ga̱lili, a̱ja wa ba̱ na ndi nung.”

Nang a̱cha̱chet a̱yaapris ma̱ng á̱niet khwop á̱niet A̱yahudawa ba ntung a̱ni, ba̱ si̱ la̱p a̱nu, ba̱ si̱ nwuak á̱niet nzwang a̱bya kurum gba̱mgbam da̱ bang, ba̱ ka niat a̱chuchuk wu. Ba̱ si̱ hyia̱ ma̱ng á̱niet nzwang ba, nyia̱, “Ku yet ta hwa, nyi tak á̱niet ba nyia̱, ‘Mman ta̱m Yesu nia ku bai a̱tyetuk, á̱ ba̱ nyiin kwom nggu hu á̱ nkat ndyo, nang zi̱ shya̱ mi̱ nda.’ Ki̱ gwomna Bilatut fa̱k á̱lyiat nani, zi̱ na yong zi̱ wa̱i nggu a̱lyiat na, kalak nyi du swuo a̱bung.” Á̱niet nzwang a̱bya si̱ san kurum hu, ba̱ si̱si̱ nyia̱ ma̱nang á̱ ntak ba a̱ni. A̱wot á̱ ni̱ bwoi nkhang nani á̱ kat a̱byin A̱yahudawa ka ba̱ng ba̱ tat a̱fwun.