Popular Bible Verses from Jon 15

Share

“Mi nao, mi stamba blong rop ya, mo yufala i han blong hem. Man we i joen gud long mi, mo mi mi joen gud long hem, bambae hem i save karem plante frut long laef blong hem. Be sipos yufala i no joen gud long mi, yufala i no save mekem wan samting nating.

Laef blong yufala i mas joen long laef blong mi, olsem we laef blong mi i joen long laef blong yufala. Olsem we han blong rop i no save karem frut sipos i no joen gud long stamba blong hem, oraet, long sem fasin, yufala i no save karem frut long laef blong yufala, sipos yufala i no joen gud long mi.

Sipos yufala i joen gud long mi, mo ol tok blong mi i stap oltaem long yufala, wanem samting we yufala i wantem, yufala i save askem, nao bambae yufala i kasem.

Yufala i no jusumaot mi. Mi mi jusumaot yufala, mo mi putumap yufala blong yufala i go mekem wok, mo blong wok blong yufala i save karem frut, we frut ya i blong stap longtaem. Mo sipos yufala i askem samting long Papa blong mi long nem blong mi, bambae hem i save givim long yufala.

I no gat man we i lavem ol fren blong hem moa, i winim man we i lusum laef blong hem blong i sevem ol fren blong hem.

Evri han blong rop ya we oli no save karem frut, hem i stap katemaot olgeta. Mo evri han we oli stap karem frut, hem i stap klinim olgeta blong bambae oli save karem plante frut moa.

Loa blong mi i olsem, se yufala i mas lavlavem yufala, olsem we mi mi lavem yufala.

Taem yufala i karem plante frut long laef blong yufala, samting ya i save leftemap nem blong Papa blong mi, mo long fasin ya yufala i kam man blong mi.

Nao Jisas i talem se, “Mi nao, mi olsem prapa rop ya grep*, mo Papa blong mi, hem i olsem man blong lukaot long rop ya.

Man we i no joen gud long mi, hem i olsem wan han blong rop we oli sakemaot finis, nao i kam drae. Ol han blong rop olsem, ol man oli stap go pikimap olgeta, oli sakem olgeta long faea.

“Mi mi stap talemaot ol tok ya long yufala, blong yufala i save glad oltaem, olsem we oltaem mi mi glad, nao bambae yufala i glad we i glad.

Sipos yufala i stap obei long ol tok blong mi, bambae mi mi lavem yufala olwe, stret olsem we mi mi stap obei long ol tok blong papa blong mi, nao oltaem hem i stap lavem mi.

Loa ya we mi mi givim long yufala i olsem, se yufala i mas lavlavem yufala.”

Sipos yufala i man blong wol ya, bambae ol man blong wol ya oli save lavem yufala, from we yufala i man blong wol ya. Be yufala i no man blong wol ya, mi mi jusumaot yufala finis, mo mi tekemaot yufala long ol man blong wol ya. Taswe ol man blong wol ya oli no laekem yufala, oli agens long yufala.