Popular Bible Verses from Luk 19

Share

Mi, mi Pikinini* blong Man, mi kam blong lukaot ol man we oli lus, mo blong sevem olgeta.”

Olgeta oli talem se, “Hae God*, yu blesem King ya we i kam long nem blong yu. Long heven, i gat pis. Long heven antap we antap, olgeta oli stap leftemap nem blong yu.”

Nao Jisas i talem long hem se, “Tede God i sevem ol man blong haos ya, from we man ya tu i wan laen* blong Ebraham, mo hem i gat sem fasin we Ebraham i gat.

Nao taem Jisas i kam long ples ya, hem i lukluk i go antap, nao i talem long Sakias se, “!Sakias! Yu kamdaon kwik, from we tede bambae mi go stap long haos blong yu.” Nao Sakias i hareap i kamdaon, mo i tekem Jisas i go long haos blong hem, we hem i glad tumas.

Nao taem oli stap long haos, Sakias i stanap, i talem long Masta* blong yumi se, “Masta, yu lesin. Bambae mi seraot olgeta samting blong mi long tu haf, wan haf i blong mi, mo nara haf i blong ol puaman. Mo sipos i gat man we mi bin stilim samting long hem, bambae mi givimbak fo samting long hem bakegen.”

Nao sam long ol Farisi* we oli stap wetem olgeta man ya, oli tok long Jisas, oli talem se, “Tija. I gud yu blokem ol man ya blong yu blong oli stap kwaet.” Be hem i talem se, “Mi mi talem long yufala. Sipos olgeta ya oli stap kwaet, bambae ol ston ya nomo oli save singsingaot.”