Popular Bible Verses from ཡོ་ཧ་ནན། 15

Share

ང་རང་ནི་རྒུན་འབྲུམ་ཤིང་ཡིན་ཞིང་ཁྱོད་ཅག་ནི་ཡལ་ག༌སྟེ། སུ་ཞིག་ངའི་ནང་དུ་གནས་ཤིང་ང་རང་ཡང་ཁོའི་ནང་དུ་གནས་ན་མི་དེ་ལ་འབྲས་བུ་མང་པོ་འབྱུང༌བ་ཡིན། གལ་ཏེ་ང་རང་དང་ཁ་བྲལ་ན་ཁྱོད་རྣམས་ཀྱིས་ཅི་ཡང་བྱ་མི་ནུས་སོ།།

ཁྱོད་རྣམས་བདག་གི་ནང་དུ་གནས་པར་གྱིས། ང་རང་ཡང་ཁྱོད་ཅག་གི་ནང་དུ་གནས་པར༌བྱའོ།། ཡལ་ག་གང་ཞིག་རྒུན་འབྲུམ་ཤིང་གི་སྟེང་དུ་མ་གནས་ན་རང་ཉིད་ལ་འབྲས་བུ་མི་ཐོགས་པ༌ལྟར། ཁྱོད་རྣམས་ཀྱང་བདག་གི་ནང་དུ་མི་གནས་ན་ཁྱོད་ཅག་ལའང་འབྲས་བུ་མི་འབྱུང་ངོ༌།།

གལ་ཏེ་ཁྱོད་རྣམས་ངའི་ནང་དུ་གནས་ཤིང་ང་ཡི་བཀའ་ཡང་ཁྱོད་ཅག་གི་ནང་དུ་གནས༌ན། ཁྱོད་རྣམས་ཀྱིས་གང་ཞིག་ཞུས་དང་འགྲུབ་པར་འགྱུར་རོ།།

ཁྱོད་རྣམས་ཀྱིས་ང་རང་བདམས་པ་མ་ཡིན༌པར། ཁྱོད་རྣམས་སོང་ནས་འབྲས་བུ་སྨིན་པར་བྱེད་པ་དང་འབྲས་བུ་དེ་རྟག་ཏུ་གནས་པའི༌ཕྱིར། བདག་གིས་ཁྱོད་རྣམས་བདམས་ཤིང་བསྐོས༌སོ།། དེ་ནི་བདག་གི་མིང་ལ་བརྟེན་ནས་ཡབ་ལ་གང་ཞིག་ཞུས༌ན། ཁོང་གིས་ཁྱོད་རྣམས་ལ་དེ་གནང་བར་འགྱུར་བའི་ཕྱིར་ཡིན།

མཛའ་གྲོགས་ཀྱི་དོན་དུ་རང་སྲོག་བློས་གཏོང་བ་དེ་ལས་ལྷག་པའི་བྱམས་པ་ཞིག་མེད།

ཁོང་གིས་བདག་ལ་འབྲེལ་བའི་ཡལ་ག་ལས་འབྲས་བུ་མི་ཐོགས་པ་ཐམས་ཅད་གཅོད་པར་བྱེད༌ཅིང༌། འབྲས་བུ་ཐོགས་པའི་ཡལ་ག་ལ་འབྲས་བུ་དེ་ལས་ཀྱང་ལྷག་པ་ཞིག་སྨིན་པའི་ཕྱིར་ཡལ་ག་འབྲེག་བཅོས་མཛད་དོ།།

ངས་ཁྱོད་རྣམས་ལ་བྱམས་ཤིང་གཅེས་པ་ལྟར་ཁྱོད་རྣམས་ཀྱིས་ཀྱང་ཕན་ཚུན་ལ་གཅེས་དགོས་པ་ནི་བདག་གི་བཀའ་ཡིན༌ཏེ།

ཁྱོད་ཅག་ལ་འབྲས་བུ་མང་པོ་འཐོག་ན། ཁྱོད་རྣམས་ཀྱང་བདག་གི་རྗེས་འབྲང་པ་ཡིན་པར་མངོན་ཞིང་། དེའི་སྒོ་ནས་ངའི་ཡབ་ཀྱི་གཟི་བརྗིད་མངོན་པར་འགྱུར།

དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། ང་རང་ནི་རྒུན་འབྲུམ་ཤིང་དངོས་ཡིན་ཏེ། བདག་གི་ཡབ་ནི་རྒུན་འབྲུམ་ཤིང་གི་བདག་པོ་ཡིན།

ངའི་ནང་དུ་མི་གནས་པ་དེ་ཕྱི་རུ་འཕངས་པའི་ཡལ་ག་བཞིན་དུ་བསྐམ་པར་འགྱུར་བ་དང༌། མི་ཡིས་བཏུས་ནས་མེ་ལ་བསྲེག་པར་འགྱུར།

དེ་ཡང་བདག་གིས་དོན་དེ་རྣམས་ཁྱོད་ཅག་ལ་སྨྲས་པ༌ནི། བདག་གི་དགའ་སྤྲོ་ཁྱོད་ཅག་གི་སེམས་ནང་དུ་གནས་ཤིང་ཁྱོད་རྣམས་ལའང་དགའ་སྤྲོས་ཁེངས་པའི་ཕྱིར༌ཡིན།

བདག་གིས་ཡབ་ཀྱི་བཀའ་རྣམས་བསྲུངས་ཤིང་ཁོང་གི་བྱམས་པའི་ནང་དུ་གནས་པ༌བཞིན། ཁྱོད་རྣམས་ཀྱིས་ཀྱང་བདག་གི་བཀའ་རྣམས་བསྲུངས་ན། ཁྱོད་ཅག་བདག་གི་བྱམས་པའི་ནང་དུ་གནས་པར་འགྱུར་རོ།།

ཁྱོད་རྣམས་ཀྱིས་ཕན་ཚུན་ལ་བྱམས་ཤིང་གཅེས་དགོས་པ་འདི༌ནི་བདག་གིས་གནང་བའི་བཀའ་ཡིན་ཞེས་གསུངས༌སོ།།

གལ་ཏེ་ཁྱོད་རྣམས་འཇིག་རྟེན་ལ་གཏོགས་པ་ཡིན༌ན། འཇིག་རྟེན་གྱི་མི་རྣམས་ཀྱིས་རང་ལ་གཏོགས་པ་བཞིན་ཁྱོད་ཅག་ལ་བྱམས་ཤིང་བརྩེ་བ་ཡིན༌མོད། འོན་ཀྱང་ཁྱོད་རྣམས་འཇིག་རྟེན་ལ་མི་གཏོགས་ཤིང་། ངས་འཇིག་རྟེན་འདི་ལས་ཁྱོད་རྣམས་བདམས་པ་ཡིན་པས་འཇིག་རྟེན་གྱི་མི་རྣམས་ཁྱོད་ཅག་ལ་སྡང༌བ་ཡིན།