Popular Bible Verses from Genesis 1

Share

Bawnga maat siꞌ it Ampuꞌang Diyus, “Iyan nay magayen tang buwaten, taw, baw ipasbung tat aten. Ibgay tat kanira i pudir kat muꞌsang banwa, pati betang ya nga subuk sedaꞌ, mga manu-manuk, muꞌsang ramu-ramu nga magkaꞌpet baw ega, baw kada ramu-ramu nga magkambang kat sagpaw it lugtaꞌ.” Egay beken, giyuna nat Ampuꞌang Diyus i taw. Pamwat ya, agen-agen it kaladawan ya. Nagtingkaꞌ i binwat ya, lalaki baw babay.

Pagkabwat ya it kanira, piyatdekan ya sit ampang ya nga may guna, nga magꞌaat, “Magꞌanak-anak kamu isaꞌun dumakel, isaꞌun magtaawan i kalayawan it banwa, baw sakpen mi i muꞌsang banwa. Ibgay ku it imyu i pudir kat muꞌsang giyuna ku, nga subuk sedaꞌ, manu-manuk baw muꞌsang ramu-ramu nga kat banwa.

Puꞌun-puꞌun it langit baw banwa, giyuna it Ampuꞌang Diyus.

Giyuna ya nga banwa, ega pay itsura baw ega pay maski unu nga betang. Madlem pang madlem, baw danum paꞌ i palelkep. Iyan Espiritu Santo it Ampuꞌang Diyus, subuk magdedengdeng kanya kat sagpaw it mabakat paꞌ nga danum.

Bawnga miyampang i Ampuꞌang Diyus nga maat ya, “Ireg ku may eyag na.” Egay beken, sakaling may eyag na.

Lintegan it Ampuꞌang Diyus i muꞌsa ngayti nga giyuna ya. Baw talagang kat panleteg ya, magayen nga banar i muꞌsa. Iti i ikaꞌnem nga aldaw. Diminlem siꞌ baw miyaldaw.

Naltegan it Ampuꞌang Diyus nga magayen i eyag ngayting giyuna ya. Egay beken, biyagiꞌ ya i timpu it madlem baw maꞌyag.

Ibgay ku it imyu, nga yay mapisiꞌan mit pangaꞌen, muꞌsang mga luwak nga magkabiꞌniyan baw mga kayu nga magbuwaꞌ. Itu ngaytu i imyung pangaꞌen.

Piyangaranat Ampuꞌang Diyus i maꞌyag ngayti, aldawun. Madlem ngayti, delemen. Egay beken, diminlem i uꞌnang aldaw.

Pagꞌeyag maat siꞌ it Ampuꞌang Diyus, “Ireg ku mabagiꞌ it lawang i danum ngayni. May kat salu. May duꞌut dibwat.”

Temed muꞌsang kalasit dikut, yay ipagbegay ku it mga ramu-ramu, maꞌpet baw ega, mga magkambang kat sagpaw it lugtaꞌ baw mga manu-manuk kat lawang. Itu i kanirang pangaꞌen.” Ta, miyatkayti nga matuud.

inaat siꞌ it Ampuꞌang Diyus, “Ireg ku nga resaan it magꞌeyag i langit nga imandaꞌan it delemen baw aldawun, baw itu gasiꞌ i mga tandaꞌanan it timpu nga magsugid it mga aldaw baw mga bulan baw mga taꞌun.

Iyan naguna nat Ampuꞌang Diyus i lugtaꞌ, maat ya, “Ireg ku, tubuꞌan na i lugtaꞌ ngayni it kalasi-kalasing luwak nga magkabiꞌniyan baw muꞌsang kayu nga mamagbuwaꞌ it kanya-kanyang buwaꞌ nga alitan.” Ta, timnubuꞌ nga matuud i muꞌsa ngayting inaat ya nga tumubuꞌ.

Ta, naꞌatkayti nga matuud. Giyuna ya i lawang nga miyagiꞌ it danum kat salu baw danum duꞌut dibwat.

Tiyubuꞌan i lugtaꞌ it kalasi-kalasing luwak nga daꞌgay-daꞌga magkabiꞌniyan baw muꞌsang mga kayu nga mamagbuwaꞌ it kanya-kanyang buwaꞌ nga alitan. Naltegan it Ampuꞌang Diyus nga magayen gasiꞌ i iting giyuna ya.

Giyuna it Ampuꞌang Diyus i duwa nga dakulang banar i eyag nira. Iyan piyakamaꞌyag i singkar ya, aldawun i kanyang ipagꞌeyag. Iyan sangbat, meyag ga in delemen, atnaga i mga bituꞌun.

maat siꞌ it Ampuꞌang Diyus, “Ireg ku nga mabulun na i danum kat sinirungat langit kat sadili ya nga rugar isaꞌun may malbawan nga rugar.” Ta, miyatkayti nga matuud. Pagkaguna ya sit itiꞌen ngayti, lugtaꞌ i ipiyangaran yat nalbawan ngayting rugar. Danum ngayting nabulun, nga maglilibut it nalbawan ngayti nga rugar, dagat i ipiyangaran ya. Naltegan it Ampuꞌang Diyus nga magayen gasiꞌ i iting giyuna ya.

Bawnga ega lamang desang giyuna ya i mga bagay ngayti in daꞌga piyatdekan ya gasiꞌ it ampang ya nga may guna, nga magꞌaat, “Magꞌanak-anak kamu isaꞌun dumakel kamung dumakel, magsedaꞌan i kapuꞌsaan it dagat baw danum. Subung naga i manu-manuk isaꞌun dumakel gasiꞌ sira kat kabanwaan.”

maat siꞌ it Ampuꞌang Diyus, “Ireg ku kalasi-kalasing ramu-ramu nga maginawa, mga magkagnek baw ega magkagnek, mga magtitindeg i magpanaw baw magkambang i pamanaw. Baw yay panggaring-garingan nira, lugtaꞌ.” Ta, egay beken may iti na gasiꞌ ka

maat siꞌ it Ampuꞌang Diyus, “Ireg ku dakel nga sedaꞌ sinit danum ngayni, reet-reet sira. Baw ega lamang kat danum, pati kat lawang, ireg ku may betang ya nagang mga manu-manuk nga maglayug.”

giyuna sit Ampuꞌang Diyus i muꞌsa nga kalasi it ramu-ramu, mga magkagnek baw ega magkagnek, baw muꞌsang kalasi it ramu-ramu nga magkambang kat sagpaw it lugtaꞌ. Naltegan it Ampuꞌang Diyus, magayen nagay iting giyuna ya.