Popular Bible Verses from Juan 4

Share

Ka iyan Ampuꞌang Diyus, purus nakem yan, egay bibilug. Aypaꞌ kaꞌilangan nga sambaen kanya kat nakem baw kamatuudan.”

Temed magꞌaꞌabut nay timpu, kayti na ngaytu, nga iyan mga maratuudan i pagsamba nirat Diyus Amaꞌ, sumamba na sirat tingled i nakem baw uyun kat kamatuudan nga garing duꞌut kanya, sabap itu talagay kaꞌirgan it Amaꞌ kat mga magsamba it kanya.

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

Mampang siꞌ si Jesus, maat yat babay ngayti, “In beteꞌ naꞌrutan mu lamang in magꞌuꞌunuy kadakulat ildaw nga ibgay it Ampuꞌang Diyus, baw in nakilalaan mu na in siyuy magꞌaat ngaytut imu, ‘Paꞌimnun aku,’ ikaw nay mangut situt aken isaꞌun mabgayan ka it egen nga danum nga magkabgay it kaꞌgenan.”

Pagkamuya ni Jesus kayti, maat yat kanira, “Iyan bay paꞌaaten ku ngayan nga pangaꞌen ku, sunudun kuy kaꞌirgan it nagtaꞌeg it aken it paꞌasitu baw tumanen i iyan nga ipagpabwat yat aken.

Pagkagneg it babay ngayti, maat ya, “Agalen, ararem bay tabud ngaytu, baw subuk egay sasaklut mu. Ta ariyen yan i mapisiꞌan mut egen ngayan nga danum?

Maat siꞌ it babay ngayti, “Magkaꞌrutan ku bayan, Agalen, nga paꞌasituy Manriribring Adiꞌ ngayting isiyanggup it Ampuꞌang Diyus, nga Cristo i panaꞌwag. Pagꞌabut ya situ, kanya i paꞌyag it aten it muꞌsa ngaytung mga bagay.” “Paꞌaaten mu ngayan, aku na ngaytu nga magpakisugi-sugid it imu kayti,” maat ni Jesus ngayti.

“Daliꞌ mi na! Mayaꞌ kamut aken! May taw baꞌ duꞌun nga nakasugid yay kumpur nabwat ku. Barang yanayti i Cristo ngayang isiyanggup.”