Popular Bible Verses from Jɔɔn 5

Share

Ií gil n kaa ŋɔ wibii maa tɛɛ ia. Nɛr la maa n nuu n wiŋɔzi, di yardi n Mɛɛ la n humiŋ la, waabuu dɔɔ miibɔɔ la n waa tunaa dɔɔwɛ la. Màá ka di a hiŋ seriya ú chol. U teŋ bɛri siu ninɛɛ di dɔɔ miibɔɔ.

Yeesu nau un chɔɔ de, di zum lugɔ u wiiwɔɔ birgi. Awia, u la u be di ga pɛɛzuu, “I ra nyiŋŋi í nyaagia?”

Ii gba tamɔɔrɛ lugɔ di ii zum Kɔraawiizi Hɔŋ la ga tuŋ, ii daŋ na miibɔɔ la n waa tunaa dɔɔwɛ la. Awia, ií pigzuu di ra na. U gba ra bagli n wiarɛ. Ka ii wàá sɛɛ ba n be di wa na miibɔɔ la.

Denii Yeesu ŋɔ u be, “Izi kpa i kalaŋ di ra la.” Yeesu n haŋ wa ŋɔ guŋ tuŋ, di baal la nyaagɔɔ, di izi kpa u kalaŋ di ra la. Ba Heezaa Hɔpiziirɛ faa.

Yeesu ŋɔ, “Ií gil n ŋɔ wibii maa tɛɛ ia. Kɔraawiizi Biibaal wàá wer ɛɛ wiimaa u hiŋ ni. Wia la u Mɛɛ n ɔɔ ra ɛɛ u ra na la, aabuu u ge ɔɔ ra ɛɛ