Popular Bible Verses from Luuk 3

Share

Mɔɔ ka Hɛrɔd lau Jɔɔn tɔ dia la, a saŋa, di Jɔɔn faa sɔ nɛra maa Kɔraawiizi nii la tuŋ. Denii Yeesu ba u be u sɔ u ge a nii. Yeesu n na jaami Kɔraawiizi la, baama yaa chiŋ, Kɔraawiizi Dumnanii ga de tuu wa togni u ni alugɔ komma. Denii ba nuu loobii bɛl n lii chiŋ di ŋɔ, “Hinuu n biinɔŋŋii. I wia parimbuu werge.”

Jɔɔn ŋɔ ba maa be, “Miŋwaa n kpa nii ra sɔ ia naa, ka unla n tɔ n har di ra ba la ɛɛ nabɔmaa n ni werge maa. Maa dɛg min niŋ lizi u gawa gba tɛu. Kɔraawiizi Dumnanii ni ninne waabuu wa kpa ra sɔ ia.

Ií gil ii wiɛɛlaa ra bagli lugɔ ii biine chɔkkɔɔ dikuu ii wichɔgaa wia. Ií gilɛɛ ra chɔli iihinaa di ra ŋɔ dɔŋa be lugɔ ii ɛɛ Abraham naannaa. Ií gil n ŋɔ ii be. Di Kɔraawiizi vii sɛɛwɔ, u daŋ vii wer kpa bia naa birgi Abraham naanna.

Ii ɛɛwɔɔ lugɔ daazi Kɔraawiizi n kpa kpaŋfɔ di ɛɛ sirya ú chi a lunne maga di ŋmɛnnaa ha. Daa la maa nɔna n waa wer, u daŋ ŋmɛnuu ha di kpau ha niŋ biini ú fuuh.”

Kɔraawiizi dɔgtɛɛ Aizaaya faa sɛbi u wiarɛ guŋ u hɔŋ biini, di ŋɔ, “Ba daŋ nuu nɛbɛl n na sii hɛribɔduma biini, di ra ŋɔ, ‘Yaa Dɔɔri ra bau. Ií ra ɛɛ sirya ú ra ba! Ií ra ɛɛ wia á ra deŋli ni a ŋmɛnizi. Kɔraawiizi daŋ tɔ walli maa, di kaa bul giŋgimee ni bɔra la n la chiŋ. U daŋ wa kuari ŋmɛnigolgaa la á deŋli, di kaa kuari ŋmɛninyirmanyirmazi la á du kpantalaŋ. Denii newea maa na gunla Kɔraawiizi nɛra lɛɛi n duwɛɛ.’ ”