Popular Bible Verses from Luuk 5

Share

Uŋ wa bagli nɛra la tuŋ, u ŋɔ Saimɔn be, “Saa a muugbera la bɔluŋ ga ta i asauzi lauri nyinni.”

Saimɔn ŋɔ, “N Dɔɔri, Yaa nyiŋŋi nyinnii saŋkara maa guŋŋ wa kuuh. Yaa waa kummaa nawɛɛ. Ka hiŋ ŋɔ kennaa wia, yaa daŋ ta a asauzi.” Baŋ wa ta asauzi la, nyiŋkpila maa wa zuu a ni, a su di ra nyiŋŋi á chaahzi.

Yeesu gil baa ka ga zuu bɔduma ra suŋŋi wiizi de.

Nɛnanaa lɛi n ba ń wa nyiŋŋi. Wichɔgɛɛraa n ba ń wa nyiŋŋi, bá wer gil ba biine chɔgi dikuu ba wichɔgaa wia di gilaa.”

Saimɔn Pitta n wa na guŋ, u giŋŋi Yeesu see di ŋɔ, “Ee, n Dɔɔri, lii n be! Wichɔgɛɛrii miŋ!”

Yeesu ŋɔ, “Nɛra la n dɔɔ alaanfia, baa lɛi ra nyiŋŋi nɛchaari bɔr. Ka banla n na wii la, baabuu ɔɔ ra nyiŋŋi u bɔr.

Ba saa ba muugbessi ba baŋgia, di gil a maa ka ra hiŋuu.

Yeesu kaa du bol bɛl biini, di bɔchɔgaa hiŋ bɛl ra ba. U bɔrahɔŋ maanii faa chɔkkɛ. A wiila hiŋ n wa na Yeesu, u giŋŋi u see ra fɔrguu, di ŋɔ, “N Dɔɔri, di a parii, i daŋ wer chaa n bɔchɔgaa naa.” Yeesu tɛr u nonii gbɔgzuu, ka ŋɔ, “A parimbuu. N chaaibuu la. Kakpaŋ, u bɔchɔgaa la tuŋ.”

Yeesu n ŋɔ u be gunla, ka a ɛɛ pɛɛ. Nɛra ra ŋɔ u wia werge maa di ra jaa. Nɛkpila maa ɔɔ ra chaali u be bá nuu u wiŋɔzi, di kaa ra nyiŋŋi ú chaa baa.