Popular Bible Verses from JOHAN 16

Share

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

Keimah min hen zeikhawm nan deih lo; deih u, chun nan tawng lai; nan lâwmnak a rangtling khonâk ding hen.

Sikhawmsele, thudik ka nan simh na; ka kal nan rangah a ṭha; ka kal lo chun, ṭangpitu chu nan sinah a hawng kal awtlo; ka kal lam chun nan sinah ka hawng fial lai. Anih chu a hawng tlung chun sual thu ah leh rep thu ah leh lâirêl thu ah laikulh an mawh ti a theihtir lai

Chun, tu ah nan lawksawng le, sikhawmsele ka nan muh nawlh na lai, nan thinlung â lâwm lai le, nanna lâwmnâk chu âukhawm nih an lâk piak na lai loh. “Chu ni ah chun nannih nih zeikhawm nan hawng ka deih lai loh. Thungâi tak hen ka nan simh na: Pa sinah zeizawng ka min hen nan deih mi chu a nan pêk na lai.

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.