Popular Bible Verses from LUK 3

Share

Chun, hi hâwi hi asi le, mi zawzawng nih baptis an si thluh rawh chun Jisu khawm baptis asi le, chun thla a cham liauah vân â awng le, chun Thlarau Thenhlimh chu taksa put hen vaṭhu hâwi hen a hawng ṭum le, a tlûnah a fû. Vân thawk hen aw a hawng suak le, “Nang ka Fapa duhtak na si, na tlûnah thungâi ka lâwm,” a ti.

Johan nih chun a sâng le, an ektê sinah, “Kei nih chun tî hen ka nan baptis na tâwn le; sikhawmsele, keimah ngâk hen mi rokual a hawng kal awt, a pheikawk rî sût tlâk khawm kasi lo; anih nih chun Thlarau Thenhlimh leh mei hen a nan baptis na lai.

Nan umdân hen nan rim ta tak ti zauhtir u; chun nan lakah, ‘Abraham chu kan pa asi,’ ti lah u; Pathian nih hi bang lung tla hi Abraham thlâk ah a dirh kho, ka nan ti na hi.

Tu khawm ah reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn,” a ti.

Khuavâng Isai lasuibu ah: “Ramkaro ah mi âu hâu nih chun, ‘Lalpa lampi sial ule, a lam tla dingtir u. Hawr kip silh asi ver lai le, tlâng leh mual kip niamh asi lai. Lampi ngâwi tla a hawng ding lai le, Chun lam rual lo tla a rual lai. Chun, mi zawzawng nih Pathian ruangsuahnâk chu an tawng lai’ ati,’’ ti hen, rîn hâwi khan.