Popular Bible Verses from John 12

Share

An maak awen niya kaa atushkuut nika pechi nuushuushkaakw. Ekw maak che ihtaat nitaapachihaakan taanite che ati aihtaauch. Kata chisteyimikuu Nuuhtaawiih an awen che atushkuukwe.”

An awen kaa saachihtaat upimaatisiiwin kata wanihtaau. An awen kaa uhkaatahk upimaatisiiwin utah aschiihch kaachiche pimaatisiiwiniyuu kata ayaau.

Kuiskw chiwiihtamaatinaawaau michihpin ekaa anite aschiihch ashtaakanuuhche peyakumin nihtaauchihchikan namui chika uhchi nihtaauchin mikw maak ashtaakanuuhche anite aschiihch ati nipiimakahche maak ekut che uhchi nihtaauchihkwaau mihchetu nihtaauchihchikan.

Nichii takushin utah aschiihch chechii miiweyaan waashtewin. Ekw maak an awen che pechi taapweyimikwe namui chika uhchi ihtaau anite wanitipiskusiiwinihch.

An awen piyehtamukwe taan kaa ishi wiihtamaan ekaa maak nanihiihtamukwe, namui niwiyaaskunaau. Nichii takushin utah aschiihch namui wii chechii wiyaaskunicheyaan maak nichii takushin chechii pimaachihiiweyaan.

Mary chii uhchi utinam puutaayuu, e piihchishtiniyich anit kaa wiihchimaakusiyich tuuminikaniyuu naashch e shuuliyaaniyich. Kaa kutapinamuwaat anite Jesus usitiihch, ekw kaa paahkusitenaat ustikwaaniyaapii e aapachihtaat. Misiwe maak anite piihtakamihch aniyuu waaskaahiikaniyuu chii miyaakuniyuu aniyuu kaa wiihchimaakusiyich.

Ekw kaa naatwaanihkwaau niipisiyaahtikw kaa ati wiiwiitwaau anit Jerusalemihch che nituu nachihaatwaau, uyuu e itwetwaau e chishewetwaau, “Maamihchimaataau Chishemanituu, shaweyihtaakusuu an Chishemanituu kaa pechi itishahukut, Israel iinuuch uchisheuchimaamuwaau.”

Ekw Jesus kaa itaat, “Shaash utihchipayuu Chishemanituu chechii waapahtiiwet e chisteyihtaakusiyich Iinuu Ukusisa.