Popular Bible Verses from Luke 16

Share

Awen kaa taapweucheyihtaakusit kuiskw chechii ishi naanaakachihtaat e apishaashiyich chekwaayuu chika taapweucheyihtaakusuu chechii miyunaanaakachihtaat e mishaayich chekwaayuu. Ekw maak awen ekaa kuiskw ihtuutahke aniyuu e naanaakachihtaat maauch e apishaashiyich chekwaayuu, namui kuiskw chika chii ihtuutam e naanaakachihtaat chekwaayuu e mishaayich.

“Namui awen kata chii atushkuweu niishu uchimaau ekaa naheyimituyich, wesh peyakw aniyuu kata uhkaateu, ekw aniyuu kutak kata saachiheu. Aniyuu peyakw suuhk kata atushkuweu, ekw aniyuu kutak namui kata uhchi naheyimeu chechii atushkuwaat. Namui chika chii atushkuwaawaau Chishemanituu muush e maamituneyihtamuwekwe chechii miisitisiyekw.”

Ekaa maak taapweucheyimikuyine kuiskw chechii ishi naanaakachihtaayin uu weyuutisiiwin utah aschiihch kaa ihtakuhch, namui chika uhchi taapweucheyimikuun chihchiwe miisitisiiwin chechii naanaakachihtaayin. Kaye maak ekaa taapweucheyimikuyine kuiskw chechii ihtuutamut kutak awen taan e ishi tipiyeusiit, awen maak che taapweuchiyimisk chechii miisk chekwaayuu chiya chechii tipiiweusiyuut.”

Ekw maak Abraham kaa itaat, ‘Ekaa che uhchi ihtuutamuwaakwenich Moses maak aniyuu uchischiwehiichesuuh taan kaa ishi masinahamiyich namui kata uhchi kakweteyihtamihiikuuch chechii nituhtawaatwaau aweyuu pechi nituwaapamikutwaau aat chii wanishkaayich nipuwinihch uhchi.’ ”

“Muyaam naapeu wepinaat wiichiskweu kutak maak iskweu wiichimaat, pisikwaatisiyuu uyuu e ihtit. Ekw an naapeu che wiichimaakwe aniyuu iskweu e chii wepinikuyich unaapemiyuu, pisikwaatisiyuu kaye wiya.”