Popular Bible Verses from Luke 18

Share

Jesus chii wiihtamuweu uchischinuhamuwaakan uyuu chischinuhamaacheu tipaachimuwiniyuu chechii uhchi chischeyihtamiyich muush chechii ayimihaayich, kaye ekaa chechii saskachiyich.

Namui aa maak etituu Chishemanituu suuhk kata wiichiheu aniyuu utiiniim kanawaach kaa ayimihaayich e chiishikaayich kaye e tipiskaayich e nitutamaakut chechii naatamuwaat. Taapaa kata uhchi pwaashtawiyuu chechii naatamuwaat. Chiwiihtamaatinaawaau, cheshtinaateyihtaakuniyuu wiipach che naatamuwaat. Ekw maak, Iinuu Ukusisa kata miskaweu kaakaye aweyuuh e taapweyimikut iskutak miin takushinite utah aschiihch.”

Jesus maak chii iteu, “Taan aniyuuh ekaa chii ihtuutahk iinuu kata chii ihtuutam wiya Chishemanituu.”

Chineush maak an wiyaaskunichesuu namui uhchi wii naatamuweu aniyuu iskweu. Ekw chek kaa ishi maamituneyihtahk, ‘Namui nanihchiishtuwaau Chishemanituu kaye namui nitaapateyimaauch iinuuch. Uu maak kaa peyakut iskweu shaash nisaskachihiikw kaa ishpish muush pechi mukushkaachihiit, e nituweyihtahk chechii wiichihiik. Nitawaach kiipaa puut nika wiichihaau, ekaa etituu chechii saskachihiit.’ ”

Taapwe chiwiihtamaatinaawaau, mwehch e ishi taapwehtahk awaash taan e ishi wiihtamuwaakanuut eukun kaye chiyawaau chipaa ishi taapwehtenaawaau taan e ishi wiihtamaakuyekw Chishemanituu chisheuchimaawin ekw maak chechii piihcheyekw anite.”

Jesus chii wiishaameu awaasha e itwet, “Pachishtinaahkuch awaashach chechii pechi naasitwaau, ekaawii uhchi chistahamuwaahkuch, wesh uyuu kaa iteyihtaakusitwaau awenich Chishemanituu uchisheuchimaawiniihch ishi tipeyihtaakusuuch.

Jesus maak chii iteu, “Waapahtah, chitaapwehtamuwin chimiinuwaachihiikuun.”

Jesus maak chii iteu, “Chekwaan wehchi ishinihkaasiyin kaa miyuhtwaat. Namui awen ihtaau tekash chechii miyuhtwaat, mikw Chishemanituu.