Popular Bible Verses from Luke 21

Share

Yaakwaamiikw. Ekaawii puuniikw e ayimihaayekw e nitutamaayekw chechii yaaichikaapuyekw kaye chechii shaapushkamekw misiwe taan che ispayihch. Kaye maak ekaa chechii aatuweyimitaakw Iinuu Ukusisa iskutak uhchishkuukaapuushtawekwe.” Eukw maak uyuu kaa ishi wiihtamuwaat Jesus aniyuu uchischinuhamuwaakan.

“Yaakwaamiikw taan e ishi pimaatisiyekw. Ekaawii utamihiisukw pisikw chechii minihkweyekw maak pisikw chechii miichisuyekw maak pisikw chechii aayimeyihtamekw taan e ishi pimaatisiinaanuuhch, wesh eukw e ihtitwaau kutakach awenichii. An ihtiyekwe chika chii ishinaakun sischikuuch chechii takushiniyaan mekwaach anit ekaa iteyihtamekwe. An maak sischikuuch takushiniyaane, muyaam nakwaakan ekaa peshuweyihtahk awesiis che nakwaasut eukun che iteyihtaakuhch.

Chika ayaanaawaau chihchiwe pimaatisiiwin ekaa nuuhtipuuniyekwe e nuushuushkuwiyekw.”

Wesh chika wiihtamaatinaawaau taan che itweyekw kaye kachehtaaweyihtamuwin chika miitinaawaau chechii kachehtaaweyihtamuuhtaakusiyekw ayimiyekwe, ekw maak anichii kaa uhkaatitaakuch namui chika chii aanuwehtamuch che itwewekw.

Kihchikiishikw neshta aschii kata iskwaapayuu mikw maak nitayimuwin namui wiiskaat kata uhchi iskwaapayuu.”

“Chika nuukun chischinuwaapahtiiwewinh anite piisimuhch, tipischipiisimuhch, kaye anite achahkushahch, e wiihtamaakuyekw chekwaan che ispayihch chechii yaakwaamiyekw. Misiwe e itiskaanesit awen utah aschiihch chika sechisuu. Chika sechihiikuuch taan che itihtaakuniyich chihchikamiyuu. Chika aakweyihtamuch iinuuch e ishpish kushtaachitwaau e maamituneyihtahkwaau taan eshkw che ispayiyich uyeyuu aschiiyuu. Kaye misiwe chekwaan anite chiishikuhch kaa ihtakuhch kata aahchipayuu. Ekw maak che waapamaakanuut Iinuu Ukusisa e pechi asiit kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin.

Misiwe awen chika uhkaatikuwaau e nuushuushkuwiyekw.

Kaye misiwe e ispichiskamikaach uu aschii, nanaahkuu anite chika kuihkun kaye chika kauhkataanuu, kaye mistahii e maayaatahkwaau aahkusuwin chika ihtakun. Kaye chika nuukunh chischinuwaapahtiiwewinh e kushtaatikuhkwaau anite chiishikuhch.

Pehtamekwe e nitupayinaanuuhch, maak e maasihiitunaanuuhch ekaawii chika uhchi sechisinaawaau. Wesh eukuu yaaitei niishtam che ispayihch, mikw maak namui eshkw chika uhchi utihchipayuu e ishkwaapayihch.” Miin kaa ati itwet, “Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiitwaauh. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich.

“Chika nuukun chischinuwaapahtiiwewinh anite piisimuhch, tipischipiisimuhch, kaye anite achahkushahch, e wiihtamaakuyekw chekwaan che ispayihch chechii yaakwaamiyekw. Misiwe e itiskaanesit awen utah aschiihch chika sechisuu. Chika sechihiikuuch taan che itihtaakuniyich chihchikamiyuu. Chika aakweyihtamuch iinuuch e ishpish kushtaachitwaau e maamituneyihtahkwaau taan eshkw che ispayiyich uyeyuu aschiiyuu. Kaye misiwe chekwaan anite chiishikuhch kaa ihtakuhch kata aahchipayuu.

Miin kaa ati itwet, “Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiitwaauh. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich.

Jesus maak chii iteu, “Yaakwaamiikw ekaa awen chechii wiyeshimitaakw. Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, Eukw niya Christ. Mihchetu maak aweyuu chika wiyeshimeuch. Kaye maak chika itweuch, shaash peshunaakun che ispayihkwaau uyuu chekwaayuu. Ekaawii maak chika uhchi nuushuushkuwaawaauch uchii.